Efesa 4:2 - Tedim Bible

² Na khempeuh panin kiniamsakna tawh, lungnemna tawh, lungduaina tawh dimin, itna lungsim tawh khat leh khat kithuakin,

Tedim Bible Revision 2017

² Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.

Efesa 4:2 Referans Kwoze

1 KORIN MASA 13:7

na khempeuh a thuak thei hi, na khempeuh a um thei hi, na khempeuh a thuak keeikaai hi.

ROM (Romans) 15:1

A thahat eite in eite deih bang zui loin thahat lote a thanemna i thuakpih ding hi.

Mattiu 11:29

Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

1 TIMOTI MASA 6:11

Pasian’ mi aw, nang na hih leh, tua mawhnate pel in la, dikna, Pasian biakna lamah nopsakna, upna, itna, thuakzawhna, lungnemnate na phak matengin na delh in.

Paunak 3:34

Amah in mi kihisakte bang mahin sim lo a, a kiniamkhiatte tungah maipha pia hi.

Gamlak-vakna 12:3

Pasalpa Moses lungnem mahmah a, leitunga om mi khempeuh sangin lungnem zaw hi.

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

2 TIMOTI NIHNA 2:25

A kam a nial mite in thuman a theih nadingun Pasian in kisikkikna pia kha ding a, Dawimangpa in ama deihna zui dingin thangsiah-a a awk mite phawkin, tua awkna pan suahtakna a ngah khak theih nadingun lungnemna tawh thuhilh mi ahi ding hi.

Galati 6:2

Van puak ding a omte khat leh khat kihuhin na pua un la, Khazih’ thukham na zui un.

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Sawltak 20:19

Lungsim kiniamsakin, khitui luangin Judah mite’ hanciamna hoih lo bawlsiatna thuakin, Topa’ na ka sem hi.

Paunak 16:19

Mi kihisak tawh kipawlin van kisutte ngahna sangin, mizawngte tawh kikhawlin mi neu-a om hoihzaw hi.

Marka 9:19

Zeisu in, “Upna nei lo pawlte aw, kei in no tawh bang tanvei omkhawm ding ka hi hiam? Tua naupang ka kiangah hong paipih un,” a ci hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 45:4

Thumanna a om nading leh thuman hu’ dingin na minliatna tawh gualzo-in hong pusuak in la, dipkuat-huai hih nate na taklam khut nangmah kihilhsak in!

Jeim 1:21

Tua ahih ciangin a kihhuai na khempeuh leh hazat luatna lungsimte paaikhia-in, na kha uh hong gum thei note’ lung sungah a kituh Pasian’ thu lungnemna tawh na sang un.

Thuhilh-sia 7:8

Na khatpeuh a kipatna sangin a tawpna hoihzaw a, kiphatsakna sangin lungduaina hoihzaw hi.

Kolose 1:11

thahatna tawh dimin ahi zongin Topa tawh a kilawmin gamta-in, na khempeuh ah a hong theihsak nadingin Pasian tawh kipawl theihna leh pilna apawlpawl tawh, ama deihna khempeuh na tel nadingun thu ka ngen uh hi.

1 PETER MASA 3:8

A tawpkhakna kam in, note khempeuh lungsim kikhatin om un, hehpihna lungsim nei un. Unau bangin na ki-it un, na kidahpih un, lungniamkhiatna na nei un.