Efesa 4:19 - Tedim Bible

¹⁹ Amaute in maizumna nei lo uh a, a deihgawhna uh a lian mahmah kihhuai gamtatna nam khempeuh a gamtat nadingun, amau pumpi in a lunggulhna uh khut sungah a kipia uh hi.

Tedim Bible Revision 2017

¹⁹ Amaute in maizumna mel thei nawn lo uh a, siatna sung tungin, a ututun a kilawm lo pipi-in gamta uh hi.

Efesa 4:19 Referans Kwoze

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Juda 1:11

Amaute in gimna a thuak ding uh hi. Bang hang hiam na cih uh leh, amaute in Kain’ lampi zui-in thaman ngah dingin Balaam’ mawhna a manlangin zui-in a delh uh a, Korah’ lehdona bangin a kisia uh hi.

Mangmuhna 18:3

Bang hang hiam na cih uh leh, tua khuapi in a bawl nu leh pa mawhna bawlna leenggahzu hangin mipawl khempeuh kipukin a kisia uh hi. Leitung kumpite in zong amah tawh a mawh uh a, ama hauh luat-na hangin leitungah a om sumbukte in a hauh lawh uh hi,” ci-in nakpi aw tawh a kiko hi.

2 PETER NIHNA 2:22

‘Ui in ama luak a ne kik hi; vokpi in a kisil khit ciangin buan lakah a bual kik hi,’ ci-in a man thugentehna bangin tua mite tungah a piang zo hi.

1 PETER MASA 4:3

Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.

Efesa 4:17

Tua ahih ciangin Gentailte in a lungsim kiphatsakna uh tawh a gamtat bangun note in na gamtat nawn loh nadingun Topa’ deihna bangin thuumin kong hanthawn hi.

Isaiah 56:11

Uite in nakpi takin duhna lian nei uh a, amaute in kham hun cih nei ngei lo uh hi. Tuucingte in zong thu theihna nei lo uh hi; amaute khempeuh amau tum ciatin gamta uh a, a vekpi-un amaute’ ngah nading lam lam ciatah kihei uh hi.

JOB (Job) 15:16

Mihing in tui i dawn bangin siatna i dawndawn a, mihing pen siahuai-in bangmah i man kei hi.

Marka 7:22

mi’ sum gukna, mi thahna, mi’ zi tungah mawhna, huaihamna, gitlohna, mi kheemna, kihhuai deihna, een’na,