Efesa 4:15 - Tedim Bible

¹⁵ itna tawh thuman thutak geninah lutang ahi Khazih dongin na khempeuh i khan’ nading ahi hi.

Tedim Bible Revision 2017

¹⁵ itna lungsim tawh thutak genin, lutang ahi Khris tawh i kibat dongin i khangto ding hi.

Efesa 4:15 Referans Kwoze

1 JOHAN MASA 3:18

Ka ta neute aw, eite in kampau bek tawh ahi zongin, leii bek tawh ahi zongin ki-it loin, sepna bawlna tawh a mantak ki-it ni.

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Zekhariah 8:16

Note, hih bangin gamta un: Note khat leh khat tungah thuman thutak kam kipau un. Thukhenna zumah, kilemna a piangsak ding thutang zang un.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Efesa 2:21

Tua suang leh inn khempeuh in kizomin khang a, Topa sungah a siangtho biakinnpi ahi hi.

Efesa 1:22

Pasian in Khazih’ khe nuai-ah na khempeuh khiasukin, na khempeuh tungah a uk lutang suak sakin pawlpi adingin a pia hi.

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

Johan 1:47

Nathanael hong pai Zeisu in a muh ciangin, “En un, ama sungah kheemna om lo Israel mi taktak ahi hi,” ci-in tua pa’ thu a gen hi.

Efesa 5:23

Bang hang hiam na cih uh leh, Khazih in pawlpi’ lutang ahih mah bangin pasal in a zi’ lutang ahi hi. Khazih in ama pumpi’ Honpa ahi hi.

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

Late 32:2

Topa in mawhna a khuksak loh mi, a lungsim-ah khemna a om lo mi in thupha ngah ahi hi.

Thukhente 16:15

Tua ciangin numei in ama kiangah, “Bang hangin na lungsim kei tawh a om lopi, ‘Nang kong it hi,’ ci thei na hi hiam? Hih thumvei dong kei nong simmawh a, na thahatna a omna mun nong gen kei hi,” a ci hi.

2 KORIN NIHNA 8:8

Tua bang kong cih ciangin thupiakna tawh hong ci ka hi kei hi. Midangte’ hahkatna paulamin note itna lungsim in a man hiam, a man lo hiam, ze-etna tawh kong ci hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

1 KORIN MASA 11:3

Pasalte’ lu un Khazih ahi hi, numeite’ lu un pasal ahi hi, Khazih’ lu in Pasian ahi hi ci-in note in na theih nading uh ka deih hi.