Efesa 4:13 - Tedim Bible

¹³ Bang hang hiam na cih uh leh, eite khempeuh in thu-upna lamah ahi zongin, Pasian’ Tapa theihna ah ahi zongin, kipum khatin Khazih’ kicin’na lim mun ahi, a khangham mi suahna i tun’ dongin i piang hi.

Tedim Bible Revision 2017

¹³ Tua hileh Pasianʼ Tapa i theihna le i thu upna ah kithukhatin, eite a khang cing suakin, Khrisʼ cingtaakna ciang i ban to ding hi.

Efesa 4:13 Referans Kwoze

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Efesa 4:5

Topa khat bek, upna khat bek, baptaizna khat bek, mi khempeuh tungah a om, mi khempeuh lakah a kizeel, mi khempeuh sungah a om, mi khempeuh’ Pa ahi Pasian khat bek a om hi.

Efesa 4:3

kilem a, kipawlin, kikhopna hangin note in Kha Siangtho hanga na ngah uh pum khat bek ahihna na zuih nadingun na hahkat un.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Hebru 5:14

Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

1 KORIN MASA 14:20

Ute naute aw, pilna lamah naupang bang kei un. Gitlohna lamah nawine naungeek bang un. Lungpilna lamah a khan’ khinte bang un.

Efesa 1:23

Tua pawlpi in na khempeuh, na khempeuh tawh a kicing sakpa’ kicin’na a hi Khazih’ pumpi ahi hi.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Zefaniah 3:9

Tua ciangin minamte’ lungsim ka hei ding a, amaute in Topa tung bekah thu ngenin, lungsim kikhatin Topa’ na sem ding uh hi.

Efesa 2:15

ngeina tawh kipawl Thukham kilemlohna thu a pumpi sungah a paihkhiat khit ciangin kikhen khia a, om kikal dalna kawm phelkhia-in, mi pawl nihte pawl khat bek a suak sak hi. Bang hang hiam na cih uh leh, gal kilem sakin ama sungah tua pawl nihte in pawl thak khat bek a suah nadingin bawl pha a, pawl khat bek suah khin a,

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

1 KORIN MASA 1:10

Ute naute aw, note khempeuh in kam kikhat na gen uh a, kikhenthang loin, lungsim kikhatin, kiciamtehna kikhatin, kicing takin na om nadingun i Topa Zeisu Khazih’ min tawh kong thuum hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 16:3

Amaute in ka Pa thei loin kei zong hong thei lo uh ahih ciangin, tua thu a bawl ding uh hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Johan 1:16

Ama kicin’na pan i ngah hehpihna in khat banah khat i ngah sawnsawn hi.

Johan 6:69

Nang in nuntak tawntungna thu na nei hi. Nangmah in Pasian’ misiangtho na hi ci-in kote in umin ka thei uh hi,” a ci hi.

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

Galati 4:19

Khazih in note sungah kip-a, a om matengin note ading ta suak gimna ka thuak ka ta neute aw,

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

2 PETER NIHNA 1:4

Tuate hangin zong a manpha a lian mahmah thuciamnate eite hong pia zo hi. Bang hang hiam na cih uh leh, hih thuciamnate suangin deihgawhna hangin hih leitungah a om kisiat gawpna tawh note in kipelhin, Pasian’ nuntakna tawh kizom mi na suah nading uh ahi hi.