Efesa 4:10 - Tedim Bible

¹⁰ A kumsuk mi in midang ahi kei hi, na khempeuh a kicing sak dingin, vantung na khempeuhte a dawn khengin a kahto mi ahi hi.

Tedim Bible Revision 2017

¹⁰ Tua ahih manin mun khempeuh ah a omkim khit theih nadingin a pai suk mipa pen mah vantung a sang pen dawn nangawn kheng to-in na pai to hi.

Efesa 4:10 Referans Kwoze

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Kolose 2:9

Bang hang hiam na cih uh leh, Pasian’ lim tawh a dim khempeuh in Khazih’ pum sungah kilangin a om hi.

Kolose 1:19

Bang hang hiam na cih uh leh, a kicin’na khempeuh a Tapa sungah a kipsak nading ahi zongin,

Mattiu 24:34

Ke’n aman takpi kong cih-inah, hih khang mite a beima-in, hih thu khempeuh hong piang ding uh hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Efesa 3:19

nomau pilna tawh na theih zawh loh uh Khazih’ itna na theih tel nading uh ahi zongin, note in hih thei-in Pasian’ kicin’na a om khempeuh tawh na kidim nading uh thu ka ngen hi.

Sawltak 1:9

Tua thu a gen khit ciangin sawltakte in a et lai takun, Zeisu vantung lamah kilato a, amau in a muh loh nadingun meii khat in a liah hi.

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

Sawltak 3:18

Amah Khazih in gimna a thuak ding hi ci-in Pasian in kamsang khempeuhte’ kam tawh a genkholh bangin a tungsak khin zo hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Sawltak 1:11

“Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

Johan 19:36

Bang hang hiam i cih leh, “A guh khat beek a kikuaitan kei ding hi,” ci-a Lai Siangtho sungah a gen bangin a tun’ nadingin hih teng a kibawl hi.

Johan 19:28

Tua nung ciangin Zeisu in thu khempeuh kizo khin zo cih a theih ciangin, Lai Siangtho sungah a kigelh mah bangin a tun’ nadingin, “Tui ka duh hi,” a ci hi.

Johan 19:24

Tua ahih ciangin, “Hih puan balkeek kei ni. Kua in ngah ding hiam lai-ai i saan ding hi,” ci-in, Lai Siangtho sungah a kigelhna thu a tun’ nadingin galkapte a kikum uh hi. Tua thu in: “Amaute khat leh khat in ka puan a hawm uh hi; Ka puan tungah lai-ai a saan uh hi,” ci-in a kigelh hi. Galkapte in tua thu a bawl uh hi.

Johan 1:16

Ama kicin’na pan i ngah hehpihna in khat banah khat i ngah sawnsawn hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

2 KORIN NIHNA 12:2

Tuma kum sawm leh li lai takin Khazih sungah a om mi khat, thumna vantung dongin a paipih ka thei hi. Ama pumpi tonpih hiam, tonpih lo hiam ka thei kei hi—Pasian in a thei hi.