Efesa 3:5 - Tedim Bible

⁵ Tua thuthukte in a siangtho sawltakte leh Pasian’ kamsangte kiangah tu lai taka Kha Siangtho hangin a kilat mah bangin, nidang lai-inah mihingte kiangah a kilang ngei kei hi.

Tedim Bible Revision 2017

⁵ A beisa hunah tua thusim pen kuama tungah kigen lo a, ahi zongin Pasian in tu-in a siangtho a sawltakte le a kamsangte tungah Kha Siangtho a hilhsak hi.

Efesa 3:5 Referans Kwoze

Juda 1:17

Ka itte aw, note na hih uh leh, i Topa Zeisu Khazih’ sawltakte in a masa-in a genkholh thute na phawk un.

2 PETER NIHNA 3:2

Note in a siangtho kamsangte in nidang lai-inah a gensa thute ahi zongin, note sawltakte tungah hong piak Topa leh Honpa’ thupiakna ahi zongin, na ngaihsut nadingun, hih laikhak nihna sungah note lungsim siangtho uh hong phawksakin ka hong hansuah hi.

Efesa 2:20

Bang hang hiam na cih uh leh, sawltakte-a kipan kamsangte ahi, khuam tungah note in zomin a kilam mi na hi uh hi. Khazih in tua innkiunuai suang ahi hi.

Efesa 3:9

na khempeuh a bawl Pasian sungah tanglai tawntungin kiseelin a om thuthuk tawh kipawl thu in bang ci bang ahi cih mi khempeuh a theih sak nading ahi zongin Pasian mite lakah a neu bel mi sangin a neuzaw keimah tua hehpihna thupha hong pia zo hi.

Sawltak 10:28

Piter in, “Judah mite in mipawl dangte tawh kipawl a, amau kiangah pai ding a kilawm lo cih na thei uh hi. Ahih hangin a siangtho lo, a nin hi, kuamah ka cih loh nadingin Pasian in hong hilh zo hi.

Luka 10:24

Bang hang hiam na cih uh leh, na muhte uh Pasian’ kamsang tampite leh kumpi tampite in a muh nop uh hangin a mu kei uh hi. Na zakte uh a zak nop uh hangin a za kei uh hi ci-in kong gen hi,” ci-in a gen hi.

Johan 14:26

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

Mattiu 13:17

Ke’n aman takpi kong cih-inah, na muhte uh Pasian’ kamsangte leh misiangthote tampi in a muh nop uh hangin a mu kei uh hi. Na zakte uh a zaknop uh hangin a za kei uh hi.

ROM (Romans) 16:25

Tanglai tawntung kiseel khin a, tu-in kilangin mipawl khempeuh in um-in thu a man’ nading uh, kamsangte’ Lai Siangtho sungah a kigelh tawntung Pasian’ thupiakna bangin Lungdamna Thu leh Zeisu Khazih hong kilatna hangin note hong kipsak zo Topa khat bek in,

Johan 16:13

Ahih hangin thuman thutak Kha Siangtho hong tun’ ciangin, thuman thutak a vekpi-in note hong hilh ding hi. Bang hang hiam na cih uh leh, ama ut bang hong gen ahi kei hi, a zaksa thu khempeuh hong gen ding hi. Anung ciangin hong piang ding thu khempeuh zong hong hilh ding hi.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Luka 11:49

Tua ahih ciangin, Pasian’ lungpilna in, ‘Kamsangte leh sawltakte amaute kiangah ka sawl ding hi. Amau in tuate kimkhat that uh a, a bawlsia ding uh hi!’

Isaiah 52:15

tua ahih ciangin amah in minam tampite dipkua sak ding a, ama hangin kumpite in a kam uh cih ding uh hi; bang hang hiam cih leh amaute tunga a kigen ngei lo nate mu ding uh a, amaute in a zak ngei loh uh nate theitel ding uh hi,” ci hi.

1 KORIN MASA 2:10

Pasian in ama Kha Siangtho tawh tua nate eite hong lak hi. Bang ci hiam na cih uh leh, Kha Siangtho in Pasian’ thu a thukpi dongin na khempeuh a zong hi.

Mattiu 20:7

tua mite in, ‘Kote kuamah in hong cial lo hi,’ a cih uh ciangin, ‘Tua ahih leh, no zong ka leenggah lo-ah pai un,’ a ci hi.