Efesa 3:3 - Tedim Bible

³ nidang lai-inah thu tawm ka gelh mah bangin, Pasian’ thupiak kholhna hangin thuthuk hong kilang sak hi.

Tedim Bible Revision 2017

³ Lai ka hong khak sate sungah a tomno-in kong gen sa bangin Pasian in ama thusim kei tungah hong hilh khinzo hi.

Efesa 3:3 Referans Kwoze

Galati 1:12

mite kiang pan ka ngah ahi kei hi, mite kiangah ka sin zong ahi kei hi. Zeisu Khazih’ thupiakna hang bekin ka ngahna thu note kiangah ka hong zasak hi.

ROM (Romans) 16:25

Tanglai tawntung kiseel khin a, tu-in kilangin mipawl khempeuh in um-in thu a man’ nading uh, kamsangte’ Lai Siangtho sungah a kigelh tawntung Pasian’ thupiakna bangin Lungdamna Thu leh Zeisu Khazih hong kilatna hangin note hong kipsak zo Topa khat bek in,

Efesa 3:9

na khempeuh a bawl Pasian sungah tanglai tawntungin kiseelin a om thuthuk tawh kipawl thu in bang ci bang ahi cih mi khempeuh a theih sak nading ahi zongin Pasian mite lakah a neu bel mi sangin a neuzaw keimah tua hehpihna thupha hong pia zo hi.

Efesa 3:4

Tua thute na sim le-uh teh, Khazih’ thuthukte ka theih note in na thei ding uh hi.

Sawltak 22:17

“Tua nung ciangin Jerusalem khua-ah ka tun’ ciangin biakna innpi sungah thu ka nget lai takin mang ka mu a,

Sawltak 22:21

amah in, ‘Paikhia in. Gentailte kiangah gamlapi-ah nang kong sawl ding hi,’ hong ci hi,” ci-in a gen hi.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

ROM (Romans) 11:25

Ute naute aw, na kisaktheih loh nadingun Gentailte khempeuh hong lut khit matengin, Israel mite tungah khuamialna tawm a tung hi ci-in hih thuthuk thei loin na om ding uh ka ut kei hi.

Sawltak 23:9

Tua ciangin gamlumna piang a, Farisai-te laka laitheite kimkhat ding-in nakpi-in a nial uh a, “Hih pa tungah bangmah mawhna ka mu kei uh hi. Kha ahi zongin, vantungmi ahi zongin ama kiangah a gen leh, bang phamawh ahi hiam?” a ci uh hi.

2 KORIN NIHNA 12:1

Keimah in kisaktheihna ka bawl ding a kilawm loh hangin ka bawl ding hi. Ahih hangin Topa hong muhsak mangmatna leh thupiakkholhna thu kong gen ding hi.

Efesa 3:6

Tua thuthuk in: Gentailte in Lungdamna Thu hangin Judah mite tawh a luah khawm mi, pumpi khat’nate suak khawmin Khazih Zeisu tawh kipawl thuciamna a zomkhawm mi a suak uh hi.

Efesa 6:19

Tua tham loin keimah in sikkhau kikhihna thuakin Lungdamna Thu thuthuk hangin sawltak nasem ka hih ciangin tua thuthukna hilh dinginah lau loin ka kam ka hon’ theih nading ahi zongin, tua thu in a hilhhuai ahih mah bangin lau loin ka gen theih nading ahi zongin kei ading thu na ngetsak un.

Kolose 4:3

Keimah in Khazih’ thu thuk hangin thongkiatna ka thuak a, tua thu thukna gen dinginah Pasian in thuhilhna kongkhak, kote ading a hong hon’ nading ahi zongin, tua thu thukna hilh ding a kilawm mah bangin ka hilh theih nading uh ahi zongin, kote ading thu hong ngetsak un.

Hebru 13:22

Ute naute aw, keimah in a tomin gelhin hong zasak ka hih ciangin hansuahna kam na thuak siam un ci-in keimah in note kong thuum hi.

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

2 PETER NIHNA 3:15

I it i sanggampa Paul in a ngah lungpilna bangin no kiangah gelhin hong piak lai ahi zongin, ama thuhilhna lai khempeuh ah ahi zongin, hih nate tawh kizomin a gelh mah bangin i Topa’ thuakna in gupna thu ahi ci-in na ciamteh un.