Efesa 3:18 - Tedim Bible

¹⁸ misiangthote tawh a dung, a vai, a sang, a niamte khenin na theih khawm nading uh ahi zongin,

Tedim Bible Revision 2017

¹⁸ Tua hileh note in Pasian mi ahi midangte khempeuh tawh Khris hong itna bangzah takin sau-in zai a, bangzah takin thukin sang ahi hiam, cih na thei khawm ding uh hi.

Efesa 3:18 Referans Kwoze

Johan 15:13

Ama lawmte tangding a nuntakna a paai itna sangin, itna lianzaw kuamah in a nei kei hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Efesa 3:19

nomau pilna tawh na theih zawh loh uh Khazih’ itna na theih tel nading uh ahi zongin, note in hih thei-in Pasian’ kicin’na a om khempeuh tawh na kidim nading uh thu ka ngen hi.

Isaiah 55:9

Vantungte pen leitung sangin a san’ zawk mah bangin, keima paiziate, nomau paizia sangin sangzaw a, ka ngaihsutnate, nomau’ ngaihsutna sangin sangzaw hi.

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

Efesa 1:15

Tua ahih ciangin note in Topa Zeisu upna leh misiangtho khempeuhte na itna uh thu ka theih khit ciangin,

Late 145:10

Topa aw, nangma sepsate khempeuh in nang tungah lungdamna hong ko ding uh a, nangma misiangthote khempeuh in nangmah hong phat ding uh hi!

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

Efesa 1:10

A hun a kicin’ cianga a sep ding Pasian’ geelna in vantung leh leitungah a om na khempeuh gawmin Khazih uk sak ding ahi hi.

Late 139:6

Tua bangin kei nong theihna pen kei adingin lamdang lua mahmah a, thuthuk lua ahih manin kei’ theihtel zawh ding hi lo hi.

ROM (Romans) 10:3

Bang hang hiam na cih uh leh, amaute in Pasian’ dikna thei loin, amau dikna kipsak nading a zong uh ahih ciangin, Pasian’ dikna thu a mang kei uh hi.

Late 132:9

Nangma siampite in diktatna puan silh uh hen la, na misiangthote lungdamin awng ta uh hen.

2 KHANG TANGTHU NIHNATE 6:41

“Tu-in ding-in Topa Pasian aw, na tawlngakna ding munah, na vangliatna singkuang tawh pai in. Topa Pasian aw, na siampite, gupna tawh zem in la, na hoihna ah na mi siangthote lungdam ta hen.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

2 KORIN NIHNA 13:13

Misiangthote khempeuh in note hong hopih uh hi.

Zekhariah 14:5

Hinnom kuam sung kivukcip ding a, Judah kumpi Uzziah’ hun lai-a zin lin-a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Late 116:15

Ama misiangthote’ sihna pen Topa’ muhna-ah manpha mahmah hi.