Efesa 3:14 - Tedim Bible

^14-15 Tua ahih ciangin vantung leitungah a om mi khempeuhte’ pianna, Pa Pasian mai-ah khukdin’in thungenin ka om hi.

Tedim Bible Revision 2017

^14-15 Hih ama geelna teng ka ngaihsut ciangin, vantung a tung khin sa mite le leitungah a om lai mite khempeuhʼ pianna i Pa Pasianʼ mai ah ka khukdin a,

Efesa 3:14 Referans Kwoze

Late 95:6

Hong pai un, bia-in kun ni, eite hong Bawl Topa mai-ah khukdin’ ni!

Filippi 2:10

Bang hang hiam na cih uh leh, Vantung, leitung, leinuai-a om mi khempeuh in, Zeisu’ min hangin khukdin’ uh a, “Pa Pasian’ minthan’na kilatsak nadingin, ‘Zeisu Khazih in Topa ahi hi,’ ci-in, Leii khempeuh in a mang ding uh hi.

Sawltak 21:5

Ni sagih khit ciangin ka paikik uh a, nungzuite khempeuh in, a zite a tate uh tawh khua nawlah kote hong kha uh a, tuipi gei-ah khukdin’in thu ka nget khit uh ciangin,

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Ezra 9:5

Tua hi a, nitak biakpiak hun ciangin khua phawk kikin ka puan keekpi mah silh kawmin khukdin’in Topa ka Pasian’ lamah ka khut zaakin,

Isaiah 45:23

Keimahmah ka kiciam khin a, a kikhel kik nawn lo ding thu in, ‘Keima mai-ah mi khempeuh hong khukdin ding a, keima tungah thuman dingin hong kiciam ding uh hi,’ cihna, kei’ kam sung panin thumanna tawh pusuak khia khin zo hi.

Sawltak 20:36

Paul in tua bang a gen khit ciangin khukdin’ a, amaute tawh thu a ngen hi.

Luka 22:41

a nungzuite tawh suang lot khat tan bang kikhen a,

1 KUMPI MASATE 19:18

Ahi zongin Baal mai-ah a kun nai lo, amah a nam nai lo mihing tulsagih Israel sungah ka siit ding hi,” a ci hi.

1 KUMPI MASATE 8:54

Tu-in Solomon in hih thungetna leh thuumnate khempeuh Topa tungah a bawl khit ciangin, vantung lamah a khutte zan sa-in a khukdin’na mun Topa’ biakna tau mai panin amah ding to hi;

2 KHANG TANGTHU NIHNATE 6:13

Solomon in a dung tong nga, a vai tong nga, a sang tong thum a pha sumngo tau khat bawlin inntual ah koih khin hi; tua ciangin tua tungah amah ding hi. Tua ciangin Israel a kikhawmte khempeuh muhin amah khuk din’in van lamah a khut zan hi;

Sawltak 9:40

Piter in tua mi khempeuh a paikhiatsak khit ciangin khukdin’in thungen a, si-luang lam kihei-in, “Tabitha aw, tho in,” a ci hi.

Sawltak 7:60

khukdin’a, “Hih khialhna tawh amaute na mawhsak kei in,” ci-in nakpi-in a kiko khit ciangin a si hi.