Efesa 3:10 - Tedim Bible

^10-11 Tua ahih ciangin i Topa Khazih Zeisu sungah Pasian’ tawntung ngimna omsa bangin vantungah a om ukna leh vangliatnate in pawlpi hangin, a lamdang Pasian’ lungpilna a kitheih nading ahi hi.

Efesa 3:10 Referans Kwoze

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

Efesa 6:12

Bang hang hiam na cih uh leh, eite in ci-le-sa tawh kido i hi kei hi; asang belte tawh ahi zongin, ukte tawh ahi zongin, vangliatna tawh ahi zongin, leitung tawh kipawl khuamial ukte tawh ahi zongin, vantung tawh kipawl munah a om gilo khate tawh ahi zongin i kido hi.

1 KORIN MASA 2:7

Leitung pian’ ma-in eite minthan’ nadingin Pasian in a vaihawm kholh pilna ahi, Pasian’ pilna thu thukpi tawh ka hilh uh hi.

ROM (Romans) 11:33

Pasian’ hauhna leh pilna leh siamna in bang zahin thuk hiam! A thukhennate kuamah in thei zo lo hi! A paina lampi zui-in i zon’ hangin i mu zo kei hi!

Efesa 1:21

Na khempeuh a sang belna, ukna, vangliatna leh aana-a kipan tu laitak leitung bek hi lo, nung ciangin a piang ding leitungah a kisam a kiphuak min khempeuh tung, vantungah ama ziat lam a sang mahmah omna-ah a tu sak hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

1 KORIN MASA 1:24

Ahih hangin Judah mi hi taleh, Grik mi hi taleh, a kisamte adingin Pasian’ vangliatna leh Pasian’ pilna ahi hi.

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

Kolose 1:16

Bang hang hiam na cih uh leh, tua Tapa hangin Pasian in vantung ahi zongin, leitung ahi zongin-ah a om khempeuh a kimutheite, a kimu thei lote, kumpi tokhomte ahi zongin uknate ahi zongin, a sang belnate ahi zongin, vangliatna ahi zongin, na khempeuh a piangsak hi. Tua Tapa hangah ahi zongin, tua Tapa ading ahi zongin na khempeuh a piangsak hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

ROM (Romans) 8:38

Bang hang hiam na cih uh leh, sihna ahi zongin, hin’na ahi zongin, vantungmite ahi zongin, ukna ahi zongin, tu lai taka omte ahi zongin, tu nung ciangin a om dingte ahi zongin,

Late 104:24

Topa aw, nangma sepsa bangzah takin tam! Nangmah in ciimna tawh tuate khempeuh na bawl khin hi; leitung in nangma pian’sak ganhingte tawh kidim hi.

Ezekiel 3:12

Tua ciangin Pasian’ Kha in hong paipih to a, ziin’ liing zahin a gin’ ngaih awging khat ka nungah ka za a, “Vantungah a om Topa, ama minthan’na hangin phat un,” ci-in a kiko hi.

Late 103:20

Ama thugen a ngai, ama thu bang-a a sem no a thahat, no ama vantung mite aw, Topa phat un!

Efesa 1:23

Tua pawlpi in na khempeuh, na khempeuh tawh a kicing sakpa’ kicin’na a hi Khazih’ pumpi ahi hi.

Kolose 2:10

Ukna thu leh vangliatna thu a uk Topa sungah note in kicingin na om uh hi.

Kolose 2:15

A sangbel vangliatna leh uknate a laksak khit ciangin, kitel takin lak a, singlamteh hangin zawhna pawi a khaam hi.