Efesa 3:1 - Tedim Bible

^1-2 Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Tedim Bible Revision 2017

¹ No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

Efesa 3:1 Referans Kwoze

Kolose 1:24

Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

Filemon 1:1

Khazih Zeisu hanga thongkia kei, Paul leh i sanggampa Timoti in kote tawh nasem a, ka it uh Filemon,

Sawltak 23:18

Galkap bupa in tangvalpa pen galkap mangpa kiangah paipih a, “A kikhum Paul in kei hong sam a, ‘Mangpa kiangah koh nop a nei hih tangvalpa nang kiangah va paipih in,’ hong ci hi,” a ci hi.

Luka 21:12

Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi.

Filemon 1:23

Khazih Zeisu sungah keimah tawh thong a kia khawm Epafros akipan ka naseppih Marka, Aristarkhus, Demas leh Luka-te in nang hong hopih uh hi.

Sawltak 26:29

Paul in, “Nang akipan tuni-in ka thu a za khempeuh in hih sikkol sim lohin, thu tam tawh ahi zongin, thu tawm tawh ahi zongin, kei tawh kibang na suah theih nadingun Pasian kiangah thu ka ngen hi!” a ci hi.

2 TIMOTI NIHNA 1:16

Topa in Onesiforas’ innkuanpihte tungah hehpihna tungsak ta hen. Bang hang hiam cih leh, amah in kei tam veipi hong thakhauh sak hi. Keima sikkhau hangin zong zum loin,

Kolose 4:18

Kei Paul in ka khut tawh note hopihna hih lai kong gelh hi. Kei’ thuak kikhihna na ngaihsun un. Note tungah hehpihna thupha om ta hen.

Kolose 4:3

Keimah in Khazih’ thu thuk hangin thongkiatna ka thuak a, tua thu thukna gen dinginah Pasian in thuhilhna kongkhak, kote ading a hong hon’ nading ahi zongin, tua thu thukna hilh ding a kilawm mah bangin ka hilh theih nading uh ahi zongin, kote ading thu hong ngetsak un.

2 KORIN NIHNA 11:23

Amaute in Khazih’ nasemte ahi uh hiam? Kei in zong ka hizaw hi ci-in mihai bangin ka gen hi. Gim mahmaha nasem zaw mi, thong sungah khiatna a thuakzaw mi, satna tupna kisim zo lo a thuak mi, sihna ding tawh tam veipi kituak ka hi hi.

2 KORIN NIHNA 10:1

Note kiangah kiniamsak a, note tawh a kikhen ciangin a hang keimah Paul in Khazih’ lungnemna leh hehpihna tawh note kong thuum hi.

Sawltak 21:33

Tua ciangin galkap mangpa in va nai a, Paul a mat khit ciangin sikkhau nih tawh hen ding thu a piak khit ciangin, “Hih mi kua mi ahi hiam? Bang hih khial ahi hiam?” ci-in a dong hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Efesa 3:13

Tua ahih ciangin note’ minthan’ nading ngaihsunin note ading ka thuak gimna hangin lungkia kei un ci-in kong hanthawn hi.

Galati 5:11

Ka ute naute aw, kei ka hih leh, vunatna thu ka hilh lai leh, a bang hangin bawlsiatna ka thuak hiam? Tua bang ka hilh leh, singlamteh tawh kipawl pukna thu in paihkhiatna a thuak zo hi.

Galati 5:2

En-un, keimah Paul in kong geninah, vunatna na thuak uh leh, Khazih hangin bangmah noptuamna na ngah kei ding uh hi.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

2 KORIN NIHNA 1:6

Tua ahih ciangin kote in gimna ka thuak uh zongin note in hehnepna leh gupna na ngah nading uh ahi hi. Kote in hehnepna ka ngah uh zongin kote in gimna ka thuak uh zongin note in na thuak zawh nadingun hong bawlpha thei hehnepna na ngah nading uh ahi hi.

Galati 5:24

Khazih Zeisu’ aa-te in si-le-sa’ deihna leh lunggulhnate singlamteh tungah a khencip zo uh hi.