Efesa 2:8 - Tedim Bible

⁸ Bang hang hiam na cih uh leh, note in thu-upna hangah hehpihna tawh gupna na ngah zo uh hi. Note ut thu-a ngah na hi kei uh hi: Pasian’ letsong ahi hi.

Tedim Bible Revision 2017

⁸ Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

Efesa 2:8 Referans Kwoze

Efesa 2:5

mawhna khialhna sungah si-a om eite Khazih tawh hong hing khawm sak zo hi. Note in hehpihna hang bekin gupna na ngah uh hi.

ROM (Romans) 4:16

Tua ahih ciangin kiciamna in Thukham tawh kipawlte tham loin, Abraham’ upna tawh kipawlte zong Abraham’ suan-le-khakte khempeuh tungah a kip nadingin hehpihna tawh kibangin a pian’ nadingin upna hangin kiciamna a ngah uh hi.

ROM (Romans) 10:17

Tua ahih ciangin upna in thu zakna hangin a piang hi. Zakna in zong Khazih’ thu hangin a piang hi.

Sawltak 16:31

Amaute in, “Topa Zeisu na up leh, nangmah tawh, na innkuanpihte tawh gupna na ngah ding uh hi,” ci-in,

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Luka 7:50

Zeisu in,”Na upna in nang hong gum zo hi. Nuam in la, pai in,” ci-in numei thu a pia hi.

Marka 16:16

Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

ROM (Romans) 4:5

A sem lo a, Pasian zahtak lo mi a diksakpa’ thu a um mi’ upna in amah tang ding dikkisakna-in kiciamteh hi.

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Galati 3:22

Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

Sawltak 13:39

Amah a um khempeuh in Moses’ Thukham hangah suakta zo lote zong amah hang inah na suakta thei uh hi.

Galati 3:14

Tua in Khazih Zeisu hangin Abraham’ thupha in Gentailte tungah a tun’ na’ng ahi zongin, eite in thu-upna hanga Kha Siangtho tawh kipawl thuciamna i ngah na’ng ahi hi.

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

Johan 6:35

Zeisu in, “Keimah in nuntakna khomun ka hi hi. Kei kiangah hong pai mi in a nung ciangin a gilkial ngei nawn kei ding hi. Kei hong um mi in a nung ciangin a dangtak nawn kei ding hi.

Efesa 1:19

eite tungah hong bawlpha a lian mahmah vangliatna bangzaha lian ahi zongin note in na theih nadingun, na pilna mittang uh a vak nadingin thu ka ngen hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Johan 6:65

Tua ahih ciangin, ka Pa in thu a piak kei leh, kuamah kei kiangah hong pai thei kei hi kong ci hi,” a ci hi. Tua bang a cihna in bang hang hiam i cih leh, kua in um lo ding ahi zongin, kua in lehheek ding cih ahi zongin Zeisu in a cil panin a thei hi.

Johan 6:44

Kei hong sawl Pa in a sawl kei leh, kuamah in ka kiangah hong pai thei kei hi. Keimah in ni tawp Ni ciangin tua mi ka thosak ding hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

Filippi 1:29

Bang hang hiam na cih uh leh, note in ni danga na muh uh bangin, tu-in na zak uh bangin ka thuak galdona bangin, note in zong na thuak uh ahih ciangin Khazih upna bekah hi loin, ama hanginah gimna thuak nading zong thu na ngah uh hi.

ROM (Romans) 10:14

Ahih hangin a thu-um lo mite in bang a ci thunget ding uh hiam? A thu a zak ngei loh uh Topa bang ci a um thei ding uh hiam? A hilh mi om kei leh, bang ci a za thei ding uh hiam?

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Sawltak 16:14

Puansan a zuak Thiatira khua mi ahi, Pasian a bia numei a min Lidia in komau thu a za hi. Tua numei in Paul’ thuhilhna a san’ theih nadingin Pasian in ama lungsim a hon’sak hi.

2 THESALONIKA NIHNA 1:9

Tua Topa in ama misiangthote hangin minthan’na a ngah nading ahi zongin, kote’ teci pan’na thu note in um na hih uh ciangin a um mite khempeuh hangin nakpi-in lamdangsakna ngah nading ahi zongin, a hong pai ding Ni-ah tua mite in Topa maitang tawh ahi zongin, vangliatna tawh kipawl minthan’na tawh ahi zongin kikhenin, kisiat tawntungna ahi mawhna’ daantatna a thuak ding uh hi.

Sawltak 15:11

I Topa Zeisu’ hehpihna bek tawh tua mite in gupna a ngah khit mah bangin, eite in zong gupna i ngah hi cih thu i um hi,” a ci hi.

ROM (Romans) 9:16

Tua bang ahih ciangin a deih mi tawh a kikum kei hi, a hanciam mi tawh zong a kikum kei hi, hong hehpih thei Pasian bek tawh kikum hi.

Hebru 6:4

Bang hang hiam na cih uh leh, khatvei khuavakna tungin, vantung hehpihna ciamin, Kha Siangtho tawh a kizom ngei, Pasian’ thu hoih ahi zongin, a nung ciangin a tung ding huna vangliatnate ahi zongin a ciap khit ciangin a tawp kikte ahih uh leh, amaute ading Pasian’ Tapa singlamteh tungah that kikin a simmawh uh ahih ciangin, a nung ciangin kisikkik ding bawl thakna a tung zo kei uh hi.

Mattiu 20:9

Tua ahih ciangin, nitak nai nga lai takin a cialte in hong pai uh a, peekkhat tek a ngah uh hi.