Efesa 2:3 - Tedim Bible

³ Tua mite tawh eite khempeuh in zong nidang lai-in i ci-le-sa deihna ah lungsim deihna zui-in, si-le-sa deihna bangin gamta-in i om a, adang mite bangin ngeina bangin a hehna a thuak mi i hi hi.

Tedim Bible Revision 2017

³ A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasianʼ hehna hangin gim a thuak dingte ihi hi.

Efesa 2:3 Referans Kwoze

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

1 PETER MASA 1:14

Note in siamna na neih loh lai takun deihgawhna thu tu-in zui loin, thu a mangthei naupangte bangin piang un la,

ROM (Romans) 13:14

Topa Zeisu Khazih silh un la, na pumpi huaiham na’ng uh note in na ngaihsun kei un.

ROM (Romans) 6:12

Tua ahih leh, note in deihgawhna na zuih nadingun, khialhna in a si thei na pumpi sung uh ah na ki-uksak kei un.

Late 51:5

En in, a khialsa mahin kei ka suakkhia a, ka nu in hong paai cil-a kipan a mawhsa ka hi hi.

1 JOHAN MASA 2:16

Bang hang hiam na cih uh leh, leitungah a om na khempeuh ahi, pumpi deihgawhna, mittang deihgawhna, kisaktheih mawknate in Pa tawh kipawl hi loin, leitung bek tawh kipawl ahi uh hi.

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

1 KORIN MASA 4:7

Kua in note hong kilamdang sak hiam? Na ngah loh, na san’ loh uh khat beek na nei uh hiam? Na ngah, na san’ uh leh, a sang lo, a ngah lo bangin bang hangin kisathei na hi uh hiam?

ROM (Romans) 7:18

Ka sa ahi ka pum sungah a pha khat beek a om kei hi cih ka thei hi. Bang hang hiam na cih leh, a pha gamtat nopna lungsim ka neih hangin a pha gamtat theih nading ka mu kei hi.

Marka 4:19

sum leh pai khemna leh, adang deihgawhna lutin thu depgawp a, gah zo lo uh hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

ROM (Romans) 11:30

Note in nidang lai-inah Pasian’ thu na man’loh uh hangin, tu-in amau thuman’lohna hangin hehpihna na ngah uh mah bangin,

ROM (Romans) 9:22

Pasian in ama hehna hong lak a, a vangliatna a kitheihsak nading a deih maninah a kisia ding a bawlsa, hehna a thuak beelte a lungneemna tawh a thuak leh, bang gen ding a om lai hiam?

Johan 1:13

Tua tate in si leh sa tawh suak ahi kei uh hi; mihing’ deihna bangin a suak kei uh hi, Pasian’ deihna bangin a suak uh hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi; Topa in eite khempeuh’ mawhnate ama tungah suan hi.

JOB (Job) 25:4

Pasian’ muhna-ah kua dik zo ding a, kua siangtho zo ding ahi hiam?

JOB (Job) 14:4

Mihing banga a ninte sung panin a siang bangmah hong piang lo ding hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

2 PETER NIHNA 2:14

Amaute in mi’ zi tungah mawh nop lunggulhna tawh a dim uh a, a kham thei lo mittang nei mi ahi uh hi. A kip lo mite a zol thei uh hi; huaiham luatna-ah a siam thei lungsim nei-in, hamsiatna’ tate ahi uh hi.

1 TIMOTI MASA 6:9

Sum a hau nuam mite in kheemna sungah, thang awkna sungah, hai-a noptuamna a siasak thei, deihgawhna atuam atuamte sungah a kia thei uh hi. Tua bang deihgawhna in mite kisiatna sungah a tum mangsak thei hi.

Galati 3:22

Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

ROM (Romans) 1:24

Tua ahih ciangin Pasian in amau pumpi uh, amau mah in a siatsak theih nadingun amaute in lunggulhna a neih uh bangin kihhuaina sungah a pia hi.

1 JOHAN MASA 2:8

Khat vei thupiakna thak note kiangah kong gelh hi. Tua thupiakna in tua Topa sungah ahi zongin, note sungah ahi zongin thuman thutak ahi hi. Bang hang hiam na cih uh leh, khuamialna mangthang zo a, a maan khuavak a tan’ laitak ahi hi.

Sawltak 14:16

Tua Pasian in khang masa hun lai-in mipawl khempeuhte in, amau ut bangin a gamtat nading uh thu a pia hi.

Piancilna 5:3

Adam kum za leh kum sawmthum a nuntak khit ciangin, ama' lim tawh a kibang, amah a sun tapa khat’ pa suak a, amah pen Seth ci-in a min phuak hi.

ROM (Romans) 2:14

Pasian Thukham a thei lo Gentailte in amau ngeina thu bangin zui-in Thukham mah bangin ahih uh ciangin, tuate in Thukham a thei lo uh napi-in amau in amaute ading thukham ahi uh hi.

ROM (Romans) 5:9

Tua ahih ciangin ama si tawh dikkisakna i ngah khit ciangin tua Topa hangin Pasian’ hehna tawh i kipelh zaw ding hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

Kolose 1:21

Nidang lai-inah Pasian tawh kikhenkhia-in, gilo gamtatnate in na lungsim sung uhah gal ahi uh note zong,

1 THESALONIKA MASA 4:13

Ute naute aw, muan’na a nei lo midangte a dah bangun note in na dah loh nadingun a si mite’ thu thei loin na om ding uh ka deih kei uh hi.

1 THESALONIKA MASA 5:6

Tua ahih ciangin adang mite a ihmut bangun eite ihmu loin, pilvangin kikem ni.