Efesa 2:19 - Tedim Bible

¹⁹ Tua ahih ciangin note in tu-a kipanin mi pawl dangte ahi zongin, khual mite ahi zongin, na hi nawn kei uh a, Pasian’ mite tawh gammi khat na hi uh hi; Pasian’ innkuanpihte zong na hi uh hi.

Tedim Bible Revision 2017

¹⁹ Tua ahih ciangin no Gentail mite pen a pualam mi, gamdang mite na hi nawn kei uh a, Pasian mite tawh minam khat hi ta-in, Pasian innkuan sung mite na hi ta uh hi.

Efesa 2:19 Referans Kwoze

Filippi 3:20

Eite in i hih leh, vantung gam tawh kipawl mi i hi hi. Tua gam panin Honpa ahi Topa Zeisu Khazih hong paisuk kik ding hi ci-in eite in ngakin, lamenin i om hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Efesa 2:12

tua hun lai takin Khazih tawh kikhenin, Israel mi pawl hi loin, kiciamna a om thuciamna thute tawh kikum loin, lametna om loin, leitungah Pasian nei loin na om uh na ngaihsun ta un.

Efesa 3:6

Tua thuthuk in: Gentailte in Lungdamna Thu hangin Judah mite tawh a luah khawm mi, pumpi khat’nate suak khawmin Khazih Zeisu tawh kipawl thuciamna a zomkhawm mi a suak uh hi.

Hebru 11:13

Tua a kigensa mi khempeuhte in thuciamna tawh kipawl noptuamna ngah kha loin, gamlapi pan galet-in hopihin, amaute leitungah gamdang mi zinte ahih man-unah upna sungah a si uh hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Hebru 13:14

Bang hang hiam na cih uh leh, eite in hih lai takah a kip ding khuapi i nei kei hi: tunung ciangin a hong piang ding khuapi i zong hi.

1 PETER MASA 2:11

Ka itte aw, kha tawh a kido thei pumpi tawh kipawl deihgawhnate khempeuh na tan’ nadingun, khualzinte, mi peemte bang ahi note ka hong thuum hi.