Efesa 2:13 - Tedim Bible

¹³ Ahih hangin nidang lai a, gamlapi-ah a om note in tu-in Khazih’ sisan hangin Khazih Zeisu kiang nai na tung zo uh hi.

Tedim Bible Revision 2017

¹³ Ahi zongin a gamlapi ah a omngei hi napi-in tu-in Khris Jesu tawh na kipawlna hangun ama sihna in Pasian kiang hong tunpih hi.

Efesa 2:13 Referans Kwoze

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Isaiah 43:6

Keimah in leilu lam kiangah, Pia khia un, leitaw lam kiangah, Len nawn kei un; keima pian’sak ka bawlsa, keima minthan’ nading a, ka bawl, keima min tawh a kilote khempeuh ahi, ka tapate gamlapi panin, ka tanute leimong panin hong paipih un, ka ci ding hi.”

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Efesa 2:12

tua hun lai takin Khazih tawh kikhenin, Israel mi pawl hi loin, kiciamna a om thuciamna thute tawh kikum loin, lametna om loin, leitungah Pasian nei loin na om uh na ngaihsun ta un.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

Galati 3:28

Khazih Zeisu sungah Judah mi a om kei, Grik mi a om kei, sila a om kei, sila lo a om kei, pasal a om kei, numei a om kei hi. Bang hang hiam na cih uh leh, Khazih Zeisu sungah note khempeuh in pum khat bek na hi uh hi.

2 KORIN NIHNA 5:17

Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Late 22:7

Hong mu khempeuh in kei hong zahko-in, hong mukpik san uh a, a lu hong peisan uh hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

Hebru 9:18

Tua ahih ciangin thuciamna masa in si tawh loin a kiciam kei hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

ROM (Romans) 8:1

Tua ahih ciangin si-le-sa deihna bangin kalsuan loin Kha deih bangin a kalsuan, Khazih sungah a om mite in mawhna thukhenna tawh a kipelh zo uh hi.

Sawltak 22:21

amah in, ‘Paikhia in. Gentailte kiangah gamlapi-ah nang kong sawl ding hi,’ hong ci hi,” ci-in a gen hi.

Sawltak 15:14

“Ute naute aw, kei thu ngai lai ta un. Pasian in ama min ading Gentailte sung pan kimkhat a teelkhiat ding, amasa-in amau kiangah a pai zawh thu Simon in hong hilh zo hi.

Isaiah 60:9

Hih teembawte pen, tuipi gei leh tuikulh-a om teembawte hi a, Tarshish teembaw lianpite in hong makaih hi. Topa in nang hong minthangsak khin ahih manin, gamlapi panin tua teembawte in nangma mite hong puak uh a, a ngun a khamte uh tawh hong puak khawm hi. Topa na Pasian, Israelte’ Siangtho Pa Pahtawina-a hong puak uh ahi hi.

Isaiah 60:4

Na kimkotah khuadak in la, mu in; na mite kikaikhawmin a ciah dingin nang kiangah hong pai uh hi; na tapate gamlapi panin hong ciah ding a, naungek bangin na tanute’ ang sungah hong kipua ding hi.

Isaiah 49:12

Ka mite a gamlapi panin hong pai ding uh a, leilu lam gam leh nitumna lam gamte panin hong pai-in, pawl khatte, leitaw lam Sinim gam panin hong ciah ding uh hi,” a ci hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Late 73:27

Bang hang hiam cih leh, en in, nangmah tawh a kigamlate kisia ding a, nangma tunga hong khialte na beisak hi.

Johan 10:16

Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

1 KORIN MASA 12:13

Bang hang hiam na cih uh leh, Judah mi hi taleh, Grik mi hi taleh, sila hi taleh, to nei lo hi taleh, eite khempeuh in Kha Siangtho khat bek tawh pumpi khat sungah baptaizna i ngah a, eite khempeuh in Kha Siangtho khat sung pan i dawn hi.

Efesa 1:1

Pasian’ deihna hangin Khazih Zeisu’ sawltak ahi keimah Paul in Efesa khua-ah a om misiangthote leh Khazih Zeisu sunga midikte kiangah thu kong zasak hi.

Efesa 2:6

Khazih tawh eite hong tho sak a, vantung khua tawh kipawl omna-ah Khazih Zeisu tawh hong tu sak khawm hi.

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.