Biblia Todo Logo
Bib sou entènèt

- Piblisite -




Efesa 2:10 - Tedim Bible

10 Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Gade chapit la Kopi

Tedim Bible Revision 2017

10 Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Gade chapit la Kopi




Efesa 2:10
58 Referans Kwoze  

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.


Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,


ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.


Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.


Note in na khempeuhah na zat khop ding uh sum a pawlpawl na neih niloh uh a, gamtatpha apawlpawl tawh na dim mahmah nadingun thupha apawlpawl a kicin’ nading Pasian in a hih thei hi.


Tua bang ka phatna-ah note tungah a pha nasep hong panpa in Zeisu Khazih’ Ni dongin a kicingin hong bawlin, hong zosak ding hi ci-in ka lungkim hi.


Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.


Tua ahih ciangin tua nate tawh ama pumpi a kisiangthosak mi in minthan’na na, siangthona na, inn neipa zat ding a kilawm na, nasepna pha pawl khempeuh ading a suak ding hi.


Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.


Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.


I mite in zong a gah nei lo mi hi loin, kisapnate a ngah nadingun, gamtatna ahoih a hih tawntung nadingun sin uh hen.


Tua tham loin, itna lungsim neih nading ahi zongin, a pha-a gamtat nadingin kihansuah nading ahi zongin, khat leh khat kidomto ni.


Hih thu in thuman thutak ahi hi. Hih thu ngaihsunin Pasian a um mite in gamtatna ahoihte ahih tawntung nading a kikep nadingun, hahkatin na hilh nading ka hong deih hi. Hih thute a pha uh tham loin mite’ phattuamna a piangsak thei uh hi.


Na khempeuh ah gamtatna pha lim, nangmah mah in na pumpi-in na lak in. Thu na hilh ciangin kheemna thu om loin, khuaval zulhtat loin, mawhsakna om lo thu siangtho na hilh in.


Bang hang hiam na cih uh leh, kote in Pasian tawh nasem khawm mi ka hi uh a, note in Pasian’ huan, Pasian’ inn na hi uh hi.


Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.


Mite in gam ukte leh mangte’ ukna uh a man’ nading, nasepna pha khempeuh a sep nading a kigin’ kholh nading;


“Ama sungah ka om hi,” a ci mi in tua Zeisu’ gamtat bangin a gamta ding hi.


Topa in kei adinga a ngaihsutna tung sak ding hi; Topa aw, na itna kip kho tawntung hi. Na sepsa na maban hong tun in.


Bang hang hiam cih leh keima khut tawh ka bawlsa ahi amau’ tate a muh ciangin, amaute in keima min siangthosak ding uh hi; amaute in Jakob’ Siangtho Pa, a siangtho ahihna phawk ding uh a, Israel’ Pasian zaktakin kihta ding uh hi.


Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”


Ahih hangin thuman a gamta mi in ama gamtatna Pasian’ deihna tawh kituak cih a kilatsak nadingin khuavakna-ah a pai hi,” ci-in a gen hi.


Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.


note’ lungsim hong hehnemin, na ahoih leh thu ahoih apawl apawlah note hong kipsak ta hen.


Pasian’ Tapa in unau tampite lakah a upa bel a suah nadingin Pasian in nidang lai-a a theihkhol mite, a Tapa’ lim tawh kibang a suahsak nadingin, nidang lai-in a ciamteh khol hi.


Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.


Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.


Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.


Tua bang thupha ngah nading a hong bawlpa in Pasian ahi hi. Tua Pasian in hong tung ding hun ading Kha Siangtho ahi maleep eite hong pia zo hi.


Jakob aw, hih thu phawk in. Israel aw, ka nasempa na hi hi. Nang kong bawl a, nang in keima nasem na hi hi; Israel aw, keimah in nang kong mangngilh kei ding hi.


Tua mah bangin a kilang gamtatna hoih a om thei hi, a kilanglo gamtatna hoih a kiseel zo kei hi.


Note nungta-in, nuamsa-in, na tan’ ding uh leitangah sawtpi na nuntak nadingun Topa na Pasian un note hong thupiakna lampi khempeuh na tawn ding uh hi.


na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.


Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.


Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.


amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.


Vanglianpen Topa in amaute thupha pia in, “Ka mihingte ahi Izipt leh ka khut tawh ka sepsa ahi Assiria leh keima luah ahi Israel in thupha ngah ta hen,” ci-a thupha a piakte hi ding uh hi.


Ka mite in ka thu hong ngai-in, ka deih bangin Israel gamta leh pawh!


Bang hang hiam na cih uh leh, vunatna in phattuamna a om kei hi, vunat lohna in zong phattuamna a om kei hi: mi thak suahna bek in phattuamna a om hi.


Tua ahih ciangin si-le-sa deihna bangin kalsuan loin Kha deih bangin a kalsuan, Khazih sungah a om mite in mawhna thukhenna tawh a kipelh zo uh hi.


A hai, ngaihsutna nei lo mite aw, tua bangin Topa thuk ding na hi uh hiam? Amah in, note a hong piangsak, note hong bawlin a hong kipsak, na Pa uh hilo ahi hiam?


Pasian’ deihna hangin Khazih Zeisu’ sawltak ahi keimah Paul in Efesa khua-ah a om misiangthote leh Khazih Zeisu sunga midikte kiangah thu kong zasak hi.


Khazih tawh eite hong tho sak a, vantung khua tawh kipawl omna-ah Khazih Zeisu tawh hong tu sak khawm hi.


Ahih hangin nidang lai a, gamlapi-ah a om note in tu-in Khazih’ sisan hangin Khazih Zeisu kiang nai na tung zo uh hi.


ngeina tawh kipawl Thukham kilemlohna thu a pumpi sungah a paihkhiat khit ciangin kikhen khia a, om kikal dalna kawm phelkhia-in, mi pawl nihte pawl khat bek a suak sak hi. Bang hang hiam na cih uh leh, gal kilem sakin ama sungah tua pawl nihte in pawl thak khat bek a suah nadingin bawl pha a, pawl khat bek suah khin a,


Swiv nou:

Piblisite


Piblisite