Efesa 1:7 - Tedim Bible

^7-8 Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

Tedim Bible Revision 2017

^7-8 Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

Efesa 1:7 Referans Kwoze

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

ROM (Romans) 3:24

Ahih hangin Zeisu Khazih in hong tan ahih maninah, a man pia loin Pasian’ hehpihna hangin dikkisakna i ngah hi.

Kolose 1:14

Tua a Tapa’ sisan hangin i mawhnate maisakna ahi hong tatkhiatna thupha i ngah hi.

Hebru 9:22

Thukham thu bangin na khempeuh sisan tawh kisiangthosak hi cih ding ahi hi. Sisan kibua loin mawhna maisakna a om kei hi.

Mattiu 26:28

Bang hang hiam na cih uh leh, hih in mi tampite’ mawhna kimaisak nading a kibuasa, thuciamna thak ka sisan ahi hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

1 JOHAN MASA 2:12

Ka ta neute aw, ama min hangin na mawhna uh a kimaisak ahih ciangin, note kiangah lai kong gelh hi.

Filippi 4:19

Ka Pasian in ama vangliatna tawh kipawl hauhna a om mah bangin, note kisapna khempeuh Khazih Zeisu sungah hong kicingsak ding hi.

Efesa 2:7

Bang hang hiam na cih uh leh, Khazih Zeisu hangah eite hong hehpih a, a kicing mahmah ama hehpihna thupha a nung ciangin a kilatsak nading ahi hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Late 130:7

Israel aw, Topa muang in! Bang hang hiam cih leh Topa itna kip tawntung a, amah in hong honkhia nuam tawntung hi.

Efesa 3:16

Ka thungetna in: Topa in ama Kha Siangtho hangin note sung mi un hatna tawh kip tawntungin,

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

1 JOHAN MASA 2:2

Tua Topa in eite mawhna tham loin, leitung mi khempeuh’ mawhna maisak nading ahi hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Daniel 9:9

Nangmah in hehpihna tawh kidimin mawhna maisak a, ahih hangin kote in nang ka hong langpan’ uh hi.

JOB (Job) 33:24

Vantungmi in amah a hehpihna hangin, ‘Amah suaktasak in! Misite' gamah amah pai sak kei in. Amah tatkhiat nading hih lai-ah om hi,’ a ci ding hi.

1 JOHAN MASA 4:10

Eite in Pasian i itna hang hi lo hi, Pasian in eite hong it a, eite mawhna hong tat nadingin ama Tapa hong sawlna ah itna hong kilang hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Daniel 9:19

Topa aw, ka thungetna uh hong za in la, ka mawhna uh hong maisak in. Topa aw, hong ngai in la, na hong sem in! Na min na khualna tawh hong zekai kei in. Hih khuapi leh hih mite in nangma neihsa ahi hi,” ka ci hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Johan 20:23

Mi’ mawhna na maisak uh leh, tua mi’ mawhna kimaisak ding hi. Mi’ mawhna na maisak kei uh leh, tua mi’ mawhna kimaisak lo ding hi,” ci-in thu a pia hi.

Marka 14:24

Zeisu in, “Hih in mi tampi ading a kibuasa, kiciamna si ahi hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Titu 3:6

Eite Honpa Zeisu Khazih hangin eite tungah tua Kha Siangtho a kicingin hong sung hi.

1 TIMOTI MASA 2:6

Tua Zeisu in mi khempeuh tankhia dinginah ama pumpi a pia hi. Amah a hun a tun’ ciangin teci pang dingin a om hi.

Kolose 2:13

Mawhna-ah ahi zongin, pumpi vunatna ngah lohna-ah ahi zongin si-in a om note, Khazih tawh kibangin hong hingsak a, eite khialhna khempeuh a hong maisak hi.

Kolose 1:27

Gentailte lakah hih thu thukpi tawh kipawl alianpi nopsakna bang zahin lian ci-in misiangthote in a theih nadingin Pasian in a deih hi. Tua thu thukpi in: vanglian lametna thu ahi, note sungah a om Khazih ahi hi.

Efesa 2:4

Ahih hangin hehpihna tawh kidim Pasian in eite hong it phat maninah,

ROM (Romans) 9:23

A vangliatna a lah nading a masa a bawlsa hehpihna a ngah belte ahi

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Luka 1:77

Gupna thu ama mipawlte na theihsak nading ahi zongin, ama lampi na sial nading ahi zongin, Nang in Topa mai-ah na pai ding hi. Tua hehpihna hangin

Zekhariah 9:11

Sisan tawh a kikipsak, note tawh ka thuciamna hangin, na salsuahna uh keugaw gam panin, note ka hong suaktasak ding hi.

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Paikhiatna 34:7

mi tul tampite adingin itna kip a nei, mawhna, thupalsatna leh khialhna maisakin, ahih hangin bang bang hita leh mawhna a siangsak ngei lo, pate’ mawhna tate tung leh tute tung, khang thum, khang lina dongin a thukpa,” ci-in pulak hi.

Mangmuhna 14:4

Tua mite ahih uh leh, tangval ahi uh a, numei tawh khialhna nin a nei ngei lo ahi uh hi. Amaute in Tuuno paina teng a zui mite ahi uh hi. Pasian ading leh Tuuno ading a gah masa bel ahih nadingun mite lak pan a kilei mite ahi uh hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Late 130:4

Ahih hangin nang hong kizahtak theih nadingin nangmah in mawhna na maisak hi.

Mattiu 6:12

Kote tungah hong mawhte ka maisak uh bangin, Kote mawhna zong hong maisak ta in.

ROM (Romans) 3:25

Pasian in hong hehpihin a kihih khinsa mawhna a ngaihsut lohna in ama dikna thu kilat nangin ahi zongin,

Efesa 1:14

Pasian’ neihsa leh Pasian’ vangliatna a phat nading deihna-in tua Kha Siangtho in tatkhiatna hun dong eite luahna maleep ahi hi.

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,