Efesa 1:5 - Tedim Bible

⁵ Tua Pasian in a it a Tapa hanga eite hong hehpihna vangliatna a phate phat dinginah

Tedim Bible Revision 2017

⁵ Pasian in Jesu Khris hangin ama mite ahi dingin eite a hong bawl ding a seh kholh sa hi a, tua bangin a hong bawl ding pen ama tupna le a utna ahi hi.

Efesa 1:5 Referans Kwoze

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

Johan 1:12

Ahih hangin amah sang a, ama min a umte khempeuh in Pasian’ tate suah theih na’ng thu a pia hi.

ROM (Romans) 8:23

Tua tham loin Kha Siangtho a kipatna gah a ngah eite in zong a tate za-ah koihna thu ahi, i pumpi gupkhiatna ngakin i pumpi sungah tau-in i om hi.

Galati 3:26

Bang hang hiam na cih uh leh, note khempeuh in Khazih Zeisu upna hangin Pasian’ tate na hi uh hi.

2 KORIN NIHNA 6:18

Note’ Pasian ka hi ding hi, Note zong ka tanu ka tapa na hi ding uh hi,” Vanglian Topa in a ci hi.

Mangmuhna 21:7

A zo mi in hih nate luahin, kei in ama Pasian ka hi ding a, amah in ka ta ahi ding hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Efesa 1:9

Pasian in a ngimsa bangin hih a, Khazih hanga a sepsawm a sehsa thuthuk eite hong thei sak hi.

Johan 11:52

mun khempeuh ah a kikhenthang Pasian’ tate a kikhawm kiksak dingin a si ding hi,” ci-in kamsangpa bangin a gen hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

2 THESALONIKA NIHNA 1:11

Tua ahih ciangin i Pasian leh Topa Zeisu Khazih’ hehpihna thupha tawh kizui-in tua i Topa Zeisu’ min in note hangin vangliatna a ngah nading ahi zongin, note in zong tua Topa hangin vangliatna na ngah nading uh ahi zongin note in hong sapna thupha a ngah ding a kilawm mi ci-in eite Pasian in hong ciamtehin,

Luka 10:21

Tua lai takin Zeisu in Kha Siangtho tawh lungdam a, “Vantung leh leitung a uk ka Pa aw, nangmah in hih thute mipilte leh misiamte kiangah im-inah, naupangte tungah lak na hih ciangin, na hehpihna ka phat hi. Ahi mah hi ka Pa aw, tua bangin na deih hi.

1 KORIN MASA 1:21

Bang hang hiam na cih uh leh, Pasian’ vaihawm bangin leitung mite in amau lungpilna hangah Pasian thei lo uh ahih ciangin, Pasian in a umte thuhilhna hai tawh a gup nading lungsim a nei hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Mattiu 11:26

A hi mah hi, ka Pa aw, tua bangin na deih hi.

Luka 11:32

Thu a khen ni ciangin Nineveh khua mite in tu-a khang mite langkhat ah ding-in a mawhsak ding uh hi. Bang hang hiam na cih uh leh, Jonah in thu a hilh manin amau mawhna a kisikkik uh hi. Hih lai takah Jonah sangin a lianzaw mi khat a om hi.”

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

1 KORIN MASA 1:1

Pasian’ deihna hangin Khazih Zeisu’ sawltak za-ah hong koih, keimah Paul leh i sanggampa Sosthenes in

Mattiu 1:25

Ahih hangin a ta a suah matengin a luppih kei hi. Tua a tapa a min Zeisu a phuak hi.

Jeremiah 3:4

Tu mahin kei nong sam a, ‘Ka pa aw, ka neu lai pek pan-a ka lawm na hi hi—

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Sawltak 13:48

Gentailte in hih thu a zak uh ciangin a lung uh a dam mahmah a, Pasian’ thu a phat uh hi. Nuntakna ngah ding Pasian in a teelsate in thu a um uh hi.

Kolose 1:19

Bang hang hiam na cih uh leh, a kicin’na khempeuh a Tapa sungah a kipsak nading ahi zongin,

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.