Efesa 1:3 - Tedim Bible

^3-4 Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Tedim Bible Revision 2017

³ Khris tawh eite i kipawlna hangin vantung gam panin kha tawh kisai letsong namkim hong pia ahih manin eiteʼ Topa Jesu Khrisʼ Pa ahi Pasian tungah i lungdamna ko ciat ni.

Efesa 1:3 Referans Kwoze

1 PETER MASA 1:3

Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

2 KORIN NIHNA 1:3

Hehpihna Pa leh hehnepna apawl pawl khempeuh’ Pasian ahi, i Topa Zeisu Khazih’ Pa leh Pasian in thupha ngah ta hen.

Efesa 2:6

Khazih tawh eite hong tho sak a, vantung khua tawh kipawl omna-ah Khazih Zeisu tawh hong tu sak khawm hi.

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Efesa 1:20

Tua vangliatna in Khazih sihna pan a thawh sak kik ciangin Khazih tungah a bawl vangliatna ahi hi.

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

Efesa 6:12

Bang hang hiam na cih uh leh, eite in ci-le-sa tawh kido i hi kei hi; asang belte tawh ahi zongin, ukte tawh ahi zongin, vangliatna tawh ahi zongin, leitung tawh kipawl khuamial ukte tawh ahi zongin, vantung tawh kipawl munah a om gilo khate tawh ahi zongin i kido hi.

Efesa 3:10

Tua ahih ciangin i Topa Khazih Zeisu sungah Pasian’ tawntung ngimna omsa bangin vantungah a om ukna leh vangliatnate in pawlpi hangin, a lamdang Pasian’ lungpilna a kitheih nading ahi hi.

Galati 3:9

Tua ahih ciangin thu-upna a nei mite in a um Abraham tawh thupha a ngah khawm uh hi.

1 KHANG TANGTHU MASATE 4:10

Jabez in Israel Pasian tungah thu ngen a, “Kei thupha hong pia-in ka gamgi hong keeksak in. Kei hong ompih in la, kei hong gimsak loh nadingin siatna panin hong kem in!” a ci hi. Tua ciangin Pasian in ama ngetna pia hi.

Isaiah 61:9

Amau suan leh khakte pen minamte lakah kithei ding a, amau tu-le-tate pen mite laizang ah kithei ding hi; amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Late 134:3

Van leh lei a bawl Topa in Zion panin note thupha hong pia ta hen!

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Late 72:17

Ama min kip tawntung hen la, ni a om lai teng a minthan’na kip suak hen! Ama hangin mite in thupha ngah hen la, minam khempeuh in amah pen thupha ngahpa, ci ta uh hen!

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

2 KORIN NIHNA 11:31

Keimah in zuau thu ka gen kei hi cih a tawntung thupha a ngah Topa Zeisu’ Pa leh Pasian in a thei hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Piancilna 14:20

na galte na khut sungah a hong pia, Sang Pen Pasian in thupha ngah hen!” ci hi. Abram in na khempeuh seh-sawm-suah-seh-khat ama' tungah pia hi.

1 KORIN MASA 12:12

Pumpi in khat bek hi-in na tampi nei a, tua pumpi khat tungah nate tampi a om napi-in pumpi khat bek a om mah bangin Khazih in ahi hi.

ROM (Romans) 12:5

a tampi ahi eite in Khazih sungah pum khat bek i hi a, i vekpi-in pumpi’ nate i hi hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Efesa 1:10

A hun a kicin’ cianga a sep ding Pasian’ geelna in vantung leh leitungah a om na khempeuh gawmin Khazih uk sak ding ahi hi.

2 KORIN NIHNA 5:17

Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.

ROM (Romans) 15:6

Khazih Zeisu deih bangin khat leh khat kilung tuakin na om nadingun , kithuakzawhna leh hehnepna a pia Pasian in hong hehpih ta hen.

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah, leh Pathahiah-te in, “Ding un, Topa na Pasian uh phat un la, ‘A tawntung pan a tawntung dongin a minthang na min in thupha ngah a, thupha khempeuh leh phatna dang khempeuh sangin sangzaw hi.

Hebru 8:5

Moses in buk lam dingin a kisak ciangin, “Mual tungah nang kong lahsa lim bangin na khempeuh na bawl nading na ciamteh in, ci-in thupiakna a ngah bangin, tua siampite in vantung nate a lim leh liim tawh kipawl na a sem uh hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Hebru 9:23

Tua ahih ciangin vantungah a om nate limte in tuate tawh a siangthosak hi. Ahih hangin vantung nate ahih uh leh, a phazawte tawh a siangthosak hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Luka 2:28

Simeon in Zeisu a ang-ah pomin Pasian a phat-inah”

2 KHANG TANGTHU NIHNATE 31:8

Hezekiah leh uliante hong pai-in a lomte a muh uh ciangin amaute in Topa leh ama mi Israelte thupha pia uh hi.