Efesa 1:19 - Tedim Bible

¹⁹ eite tungah hong bawlpha a lian mahmah vangliatna bangzaha lian ahi zongin note in na theih nadingun, na pilna mittang uh a vak nadingin thu ka ngen hi.

Efesa 1:19 Referans Kwoze

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Efesa 3:20

Eite tungah hong bawl vangliatna mah bangin, i nget i ngaihsut sangin ahih thei zaw Pasian tungah pawlpi sungah ahi zongin, Zeisu Khazih sungah ahi zongin khan tawntungin minthan’na om tawntung ta hen! Amen.

2 KORIN NIHNA 4:7

Ahih hangin a lian mahmah vangliatna in ko kiang pan hi lo, Pasian kiang pan ahih nadingin tua sum leibeel sungah kiguangin kote in ka nei uh hi.

Kolose 1:29

Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Efesa 3:7

A vangliatna-a bawlphatna bangin keimah hong piak Pasian’ hehpihna ka ngah mah bangin, tua Lungdamna Thu a hilh nasem ka suak zo hi. A kizong khia khin zo lo Khazih hauhna thu Gentailte kiangah hilh dingin ahi zongin,

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

ROM (Romans) 1:16

Khazih’ Lungdamna Thu hangin ka maizum kei hi. Bang hang hiam na cih uh leh, tua thu in a masa-in Judah mite, a nung ciangin Grik mite akipan a um mi khempeuh in gupna a ngah nading Pasian’ vangliatna ahi hi.

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

2 THESALONIKA NIHNA 1:11

Tua ahih ciangin i Pasian leh Topa Zeisu Khazih’ hehpihna thupha tawh kizui-in tua i Topa Zeisu’ min in note hangin vangliatna a ngah nading ahi zongin, note in zong tua Topa hangin vangliatna na ngah nading uh ahi zongin note in hong sapna thupha a ngah ding a kilawm mi ci-in eite Pasian in hong ciamtehin,

Isaiah 53:1

Tua ciangin mite in, “I zaksa thu kua in um thei ding ahi hiam? Hih bang thu-ah Topa’ vangliatna khut kua in bang ci muh theih ding ahi hiam?

1 THESALONIKA MASA 1:5

Bang hang hiam na cih uh leh, kote in note tawh ka omkhawm lai takun, note adingin bang ci mi ka hih uh na theih uh mah bangin, kote’ hilh Lungdamna Thu in note sungah kampau bek hi loin vangliatna tawh ahi zongin, up khialhna om loin lungkim taktakna tawh a dim thu ahi hi.

2 KORIN NIHNA 5:17

Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Johan 3:6

Ci-le-sa ah a piang mi in ci-le-sa ahi hi. Kha Siangtho ah a piang mi in kha ahi hi.

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.