Efesa 1:18 - Tedim Bible

¹⁸ hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

Tedim Bible Revision 2017

^18-20 Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muh theih nadingun noteʼ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khris hingsakin, vantung gamah zong, ama tak lamah a tutsak nadingin a zat vangliatna mah ahi hi.

Efesa 1:18 Referans Kwoze

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Luka 24:45

Tua lai takin Lai Siangtho a theih nadingun amaute lungsim a hon’sak hi.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

Efesa 5:8

Bang hang hiam na cih uh leh, nidang lai-inah note in khuamial na hi uh hi; tu-in na hih uh leh, Topa sungah khuavak na hi uh hi. Tua ahih ciangin khuavak’ tate bangin na gamta un.

Efesa 3:16

Ka thungetna in: Topa in ama Kha Siangtho hangin note sung mi un hatna tawh kip tawntungin,

Efesa 4:4

Note hong sapna lametna khat bek hangah hong koih ahih mah bangin, pumpi khat, Kha Siangtho khat bek a om hi.

Late 119:18

Nangma thukham sung panin a lamdang nate ka muh theih nadingin keima mitte hong hon’sak in.

Titu 3:7

Pasian’ hehpihna thupha hangin diktan’sakna i ngah khit ciangin nuntak tawntungna lametna bangin a luah mite i hih nading ahi hi.

2 THESALONIKA NIHNA 1:11

Tua ahih ciangin i Pasian leh Topa Zeisu Khazih’ hehpihna thupha tawh kizui-in tua i Topa Zeisu’ min in note hangin vangliatna a ngah nading ahi zongin, note in zong tua Topa hangin vangliatna na ngah nading uh ahi zongin note in hong sapna thupha a ngah ding a kilawm mi ci-in eite Pasian in hong ciamtehin,

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

Isaiah 6:10

amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah lohna dingun hih mite lungsim mawl sak in la, amau bil uh ngong sak in la, a mit uh va si sak in,” hong ci hi.

1 TIMOTI MASA 6:12

Upna thu tawh kipawl galdona a pha na do in. Nuntak tawntungna na len in. Tua nuntakna ngah dingin nang in hong sapna na ngah a, teci tampite maiah na pang ngei hi.

Isaiah 29:10

Bang hang hiam cih leh Topa in note tungah nakpi ihmut nopna lungsim hong guang a, nomau’ mit ahi kamsangte mitsi sak-in, nomau’ lutang ahi thu mutheite khuhcip hi.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

Hebru 10:32

Note khuavak sungah na tun’ khit uh ciangin mite mai-ah kisiatna, bawlsiatna thuakin, tua bang a thuakte tawh kipawl khat na hi uh ahi zongin, gimna lian mahmahte dona, nidang lai-a na thuak uh na ngaihsun un.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Isaiah 32:3

Tua ciangin amau’ mit si loin, mi cimawhte’ kisapna mu ding a, amau’ bil in mi cimawhte’ thugen ngai ding uh hi.

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

1 THESALONIKA MASA 5:8

Eite i hih leh, sun lai tawh kipawl mite i hih ciangin ei mahmah kikepna nei-in, upna leh itna tawh kipawl awmdalna ahi zongin, bulhin, gupkhiatna’ lametna tawh kipawl siklukhu ahi zongin khu-in om ni.

Mattiu 13:15

Bang hang hiam na cih uh leh, hih mipawlte in a mit un khua mu lo, A bil un khua za lo, A lungsim un thei lo, A gamtatna uh kikhel lo, Amau cinatna uh ka damsak loh nadingin, Amau lungsim uh khauh a, A bil uh ngong a, A mit uh a si uh hi,’ a ci hi.

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.

Hebru 6:4

Bang hang hiam na cih uh leh, khatvei khuavakna tungin, vantung hehpihna ciamin, Kha Siangtho tawh a kizom ngei, Pasian’ thu hoih ahi zongin, a nung ciangin a tung ding huna vangliatnate ahi zongin a ciap khit ciangin a tawp kikte ahih uh leh, amaute ading Pasian’ Tapa singlamteh tungah that kikin a simmawh uh ahih ciangin, a nung ciangin kisikkik ding bawl thakna a tung zo kei uh hi.

Kolose 3:15

Note lungsim sung uhah Khazih’ nopna na uksak un. Tua bang deihna-in note in pum khat bek sungah hong sapna a ngah na hi uh hi. Hehpihna phatna lungsim na nei un.

Efesa 2:12

tua hun lai takin Khazih tawh kikhenin, Israel mi pawl hi loin, kiciamna a om thuciamna thute tawh kikum loin, lametna om loin, leitungah Pasian nei loin na om uh na ngaihsun ta un.

Galati 5:5

Bang hang hiam na cih uh leh, kote in upna tawh dikna ngah ding ci-in lamenin Kha Siangtho tung tawnin ngakin ka om uh hi.

Isaiah 29:18

Tua ni ciangin bilngongte in laibu sunga thute za ding a, lungzin’na leh khuamialna sung panin mittawte’ mit in mu ding uh hi.

1 PETER MASA 1:3

Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

Sawltak 16:14

Puansan a zuak Thiatira khua mi ahi, Pasian a bia numei a min Lidia in komau thu a za hi. Tua numei in Paul’ thuhilhna a san’ theih nadingin Pasian in ama lungsim a hon’sak hi.

Filippi 3:14

Khazih Zeisu sungah Pasian in tung lam pan hong sapna tawh kipawl lungdamna ngah nadingin, kidemin kung dongin hahkatin ka tai hi.

JOB (Job) 42:5

Ni dangin mi’ gensawn bekin nang kong thei a, tu-in keima mit mahmah tawh nang kong mu ta hi.

Isaiah 11:2

Ama tungah, Topa’ Kha ahi, lungpilna leh thu theihtelna Kha, thu lamlah siamna leh vangliatna Kha, theihna leh Topa kihtakna Kha om ding hi.

Marka 10:17

Lampi-ah a pai lai takin mi khat Zeisu kiangah va tai a, khukdin’in, “Sia pha aw, nuntak tawntungna ka luah nadingin bang ka gamta ding hiam?” ci-in a dong hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

ROM (Romans) 11:29

Bang hang hiam na cih uh leh, Pasian’ hehpihna thupha leh hong sapna in a thu a kidok kik ngei kei hi.

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

Kolose 1:27

Gentailte lakah hih thu thukpi tawh kipawl alianpi nopsakna bang zahin lian ci-in misiangthote in a theih nadingin Pasian in a deih hi. Tua thu thukpi in: vanglian lametna thu ahi, note sungah a om Khazih ahi hi.