Efesa 1:16 - Tedim Bible

¹⁶ note paulamin hehpihna ka phat niloh a, note ading thungenin ka om hi.

Tedim Bible Revision 2017

¹⁶ tawlnga loin noteʼ tangin Pasianʼ tungah lungdamna ka na pulak tawntung hi. Ka thungetna ah zong note ka hong phawk tawntung a,

Efesa 1:16 Referans Kwoze

Kolose 1:9

Tua ahih ciangin kote in zong ka zak uh ni pan akipan, note ading thungen tawntungin ka om uh hi.

Kolose 1:3

Khazih Zeisu sungah na upna uh leh misiangthote ading na itna uh thu ka zakna uh ahi zongin, thuman thu ahi Lungdamna Thu note in nidanga na zak uh mah bangin, note ading vantungah a kikhol lametna ngaihsunin ahi zongin, note ading ni simin thungenin, i Topa Zeisu Khazih’ Pa Pasian’ hehpihna ka phat uh hi.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

1 THESALONIKA MASA 1:2

Eite Pa leh Pasian mai-ah note in umin, gamta-in, itin, hahkatin, i Topa Zeisu Khazih lamenin, na thuaknate uh kote in ka ngaihsun tawntung uh a, Pasian in a it ute naute aw, note ngah hong teelna thei-in, note khempeuh thu hangin Pasian’ hehpihna phat tawntungin note ading thu ka ngen tawntung uh hi.

1 SAMUEL MASA 12:23

Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.

1 THESALONIKA MASA 5:17

Thungen niloh un.

Isaiah 62:6

Jerusalem aw, na kulhte tungah galvilte ka koih khin hi; sun tawntung leh zan tawntungin amaute tawlnga ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitungah phatna-in a bawl kik matengin amaute tawlnga lo ding uh hi.

1 SAMUEL MASA 7:8

Tua ciangin Israel mite in Samuel kiangah, “Filistiate khut sung panin amah in eite hong hotkhiat theih nadingin Topa i Pasian tungah eite adingin thunget na khawl kei in,” a ci uh hi.

Piancilna 40:14

Ahih hangin kei hong phawk in, nang' tungah thu hong hoih ciangin kei tungah hehpihna hong bawl in, kong thum hi, Faro’ tungah kei’ thu genin, hih inn panin kei hong lakhia in.