Efesa 1:15 - Tedim Bible

¹⁵ Tua ahih ciangin note in Topa Zeisu upna leh misiangtho khempeuhte na itna uh thu ka theih khit ciangin,

Tedim Bible Revision 2017

¹⁵ Note in Topa Jesu na muanna thu uh le thu umte khempeuh na itna thu uh ka zak hun a kipanin,

Efesa 1:15 Referans Kwoze

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

1 JOHAN MASA 4:21

Pasian a it mi in a u a nau a it ding hi a cihna thupiakna kote in Khazih kiang pan ka ngah uh hi.

1 JOHAN MASA 3:17

Mi khat in leitung sumte nei-in a u a nau a zawngte a muh hangin hehpihna lungsim a neih kei leh, tua mi sungah Pasian itna bang ci om ahi hiam?

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

1 TIMOTI MASA 1:14

Eite Topa’ hehpihna thupha in zong Khazih Zeisu sungah a om upna leh itna tawh, a kigen khin zo loin tamin a om hi.

1 TIMOTI MASA 1:5

Hih thupiakna’ deihna bulpi in, lungsim siangtho, lungsim kisuan’na om lohna leh thuman upna tawh a kipawl itna ahi hi.

1 THESALONIKA MASA 4:9

Ute naute ki-itna thu ahih leh, note kiangah gelhin mi khatpeuh kong piak nading a om kei hi. Bang hang hiam na cih uh leh, note khat leh khat na ki-it nading uh Pasian’ hilhna a ngah mi na hi uh hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Late 16:3

Leitung a, om mi siangthote ahih leh, amaute nampi hi a, amau sungah ka lungkimna teng om hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

ROM (Romans) 1:8

Nomau thu-upna in leitung gam khempeuh ah kizel ahih ciangin nomau hangin Zeisu Khazih tawh Pasian’ hehpihna ka phat masa bel hi.

Efesa 1:1

Pasian’ deihna hangin Khazih Zeisu’ sawltak ahi keimah Paul in Efesa khua-ah a om misiangthote leh Khazih Zeisu sunga midikte kiangah thu kong zasak hi.

Efesa 3:18

misiangthote tawh a dung, a vai, a sang, a niamte khenin na theih khawm nading uh ahi zongin,