Efesa 1:14 - Tedim Bible

¹⁴ Pasian’ neihsa leh Pasian’ vangliatna a phat nading deihna-in tua Kha Siangtho in tatkhiatna hun dong eite luahna maleep ahi hi.

Tedim Bible Revision 2017

¹⁴ Tua Kha Siangtho pen, Pasian in piak dingin a hong ciam sa thu eite khempeuh in i ngah taktak ding a kician ahihna thu a hong lahna hi a, ama mi ahi taktak eite khempeuh pen a suakta takpi mite ihihna a kilat nading ahi hi. Tua ahih manin a kuamah peuh in Pasian phat ciat ni.

Efesa 1:14 Referans Kwoze

2 KORIN NIHNA 5:5

Tua bang thupha ngah nading a hong bawlpa in Pasian ahi hi. Tua Pasian in hong tung ding hun ading Kha Siangtho ahi maleep eite hong pia zo hi.

2 KORIN NIHNA 1:22

Tua Pasian in, eite Kha Siangtho sathau hong nilhin hong neihna ciamtehna hong khen-a, i lungsim sungah Kha Siangtho ahi kiciamna maleep hong guan’ hi.

Efesa 4:30

Tatna’ Ni a tun’ dongin note hong ciamtehna ahi Pasian’ Kha Siangtho na dah sak kei un.

Galati 4:6

Tua bangin note in tate na suak uh ahih ciangin,“Abba, Pa,” cisakin a Tapa’ Kha Siangtho eite lungsim sungah Pasian in hong sawl hi.

ROM (Romans) 8:23

Tua tham loin Kha Siangtho a kipatna gah a ngah eite in zong a tate za-ah koihna thu ahi, i pumpi gupkhiatna ngakin i pumpi sungah tau-in i om hi.

Efesa 1:12

Tua bang ahihna in Khazih hanga a muang zo eite in a vangliatna phat dingte i suah na’ng hi.

Sawltak 20:32

Tu-in Pasian kiangah note kong pia hi. Note hong kipsak nading ahi zongin, misiangthote khempeuh tawh a kibangin note in luahna na ngah nading uh ahi zongin, ahih thei Pasian’ hehpihna thupha ah note kong ap hi.

Late 78:54

Amah in, a khut taklam tawh a ngahsa mual, a gam siangtho-ah amaute paipih hi.

Late 74:2

Tanglai-a na ngahsa nangma mihonte, nangma luah minam dinga, na tatkhiatsate phawk in! Na ten’nasa Zion Mual phawk in.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Luka 21:28

Ahih hangin hih thu hong piang a kipat lai takin note suahtakna hun nai zo ta ahih maninah, khuadakin na lutang uh phongto ta un,” ci-in a gen hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.