Efesa 1:13 - Tedim Bible

¹³ Note in zong note hong gupna thu tawh kipawl Lungdamna Thu ahi thuman thutak ngai-in, tua Khazih na up khit uh ciangin thuciamna tawh kipawl Kha Siangtho-a ciamtehna na ngah zo uh hi.

Tedim Bible Revision 2017

¹³ Note in zong hotkhiatna a hong ngahsak thei Lungdamna Thu a man za-in Khris na up uh ciangin, Pasian in a hong ciam sa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

Efesa 1:13 Referans Kwoze

2 KORIN NIHNA 1:22

Tua Pasian in, eite Kha Siangtho sathau hong nilhin hong neihna ciamtehna hong khen-a, i lungsim sungah Kha Siangtho ahi kiciamna maleep hong guan’ hi.

Efesa 4:30

Tatna’ Ni a tun’ dongin note hong ciamtehna ahi Pasian’ Kha Siangtho na dah sak kei un.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

ROM (Romans) 4:11

Vun atna a thuak nai loh hangin upna dikna bangin kiciamteh nading i pa Abraham in tua mite’ pa a suah na’ng ahi zongin,

Titu 2:11

Bang hang hiam na cih leh, thupha lametna, a lian Pasian leh eite Honpa Topa Zeisu Khazih, minthan’na tawh hong kilat ding eite in lamenin, Pasian thu tawh kituak lo gamtatna leh deihgawhnate

Galati 3:14

Tua in Khazih Zeisu hangin Abraham’ thupha in Gentailte tungah a tun’ na’ng ahi zongin, eite in thu-upna hanga Kha Siangtho tawh kipawl thuciamna i ngah na’ng ahi hi.

Joel 2:28

“Tua khit ciangin mi khempeuh tungah ka Kha ka bua ding a, na tanute uh leh na tapate un kamsang ding uh a, na puteekte un mang manin, na tangvalte un maang mu ding uh hi.

ROM (Romans) 1:16

Khazih’ Lungdamna Thu hangin ka maizum kei hi. Bang hang hiam na cih uh leh, tua thu in a masa-in Judah mite, a nung ciangin Grik mite akipan a um mi khempeuh in gupna a ngah nading Pasian’ vangliatna ahi hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Johan 14:26

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Luka 24:49

Pa’ thuciamna kong pia ding hi. Ahih hangin vantung pan vangliatna na ngah matengun, hih khua-ah na ngak lai un,” a ci hi.

Late 119:43

Nangma biakna ngeina kipte lamenin om ka hih manin a man thu hong gen thei sak tawntung in.

1 PETER MASA 2:10

Note in nidang lai-inah a mi pawlte na hih loh uh hangin tu-in Pasian’ mi pawlte na hi uh hi. Nidang lai-inah hehpihna na ngah loh uh hangin tu-in na ngah zo uh hi.

ROM (Romans) 6:17

Note in mawhna sila na hih ngei uh hangin, tu-in na ngahsa uh thuhilhna, deihna lungtang tawh na ngai uh ahih ciangin Pasian’ hehpihna ka phat hi.

Sawltak 1:4

Tua sawltakte tawh a omkhawm lai takin, Jerusalem khuapi panin paikhia loin, “Keimah kiangah na zaksa uh Pa’ kamciamna letsong na ngak un.

Johan 15:26

“Pa kiang pan a pusuak, thuman thutak Kha Siangtho ahi Pa kiang pan no kiangah kong sawl ding Huhpa in a hong tun’ ciangin, keima ading teci a pang ding hi.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

Luka 11:13

Note in mi gilo na hi napi-un na tate uh a hoih na piak uh leh, tua sangin vantungah a om na Pa un a ngen mite Kha Siangtho hong pia zaw ding hilo ahi hiam?” ci-in a gen hi.

Mangmuhna 7:2

Tua lai takin a nungta Pasian’ ciamtehna a tawi vantungmi khat in, nisuahna lam pan hong kahto ka mu hi. Tua mi in leitung leh tuipi gimna a bawl thei vantungmi lite kiangah,

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

2 TIMOTI NIHNA 2:15

Nangmah in zumhuaina om loin thuman thutak a man takin a khen theipa na suah nadingin Pasian mai-ah a deihhuai mi suakin, na pumpi na piak nadingin ah hahkat in.

Efesa 4:21

Nidang lai-inah na gamtatna uhah a hong khem thei huaihamna lungsim hangin a muat thei mi lui suahkhia-in lungsim ngaihsutna thak na ngah khit uh ciangin, thuman thutak tawh kipawl dikna leh siangthona hangin Pasian tawh a kibanga kibawl mi thak na silh nadingun Zeisu’ thu na zak na ngaih uh ciangin, Zeisu-a thuman thutak a om mah bangin tua Topa kiangah thu na sin un.

2 KORIN NIHNA 6:7

thuman thuhilhna, Pasian’ vangliatna lahna, dikna galhiam ziat lam leh vei lamah silhna hang ahi zongin,

Johan 3:33

Ama teci pan’na thu a mangte in, Pasian in thuman thutak hi ci-in a ciamteh hi.

Jeim 1:21

Tua ahih ciangin a kihhuai na khempeuh leh hazat luatna lungsimte paaikhia-in, na kha uh hong gum thei note’ lung sungah a kituh Pasian’ thu lungnemna tawh na sang un.