Efesa 1:10 - Tedim Bible

¹⁰ A hun a kicin’ cianga a sep ding Pasian’ geelna in vantung leh leitungah a om na khempeuh gawmin Khazih uk sak ding ahi hi.

Tedim Bible Revision 2017

¹⁰ Tua a geel thu pen, a hunhoih a tun ciangin Khris khutnuai ah, vantung le leitungah a om khempeuh gawm ding ahi hi.

Efesa 1:10 Referans Kwoze

Kolose 1:20

singlamteh tungah a buak sisan hangin gallemna piangsakin, leitung nate ahi zongin, vantung nate ahi zongin, na khempeuh in Tapa hangah Pasian tawh a kilem theih nading ahi zongin a deih hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Marka 1:15

“A hun a kicing zo hi. Pasian Gam a hong nai zo hi. Na mawhna kisikkik un la, Lungdamna Thu na um ta un,” a ci hi.

Kolose 1:16

Bang hang hiam na cih uh leh, tua Tapa hangin Pasian in vantung ahi zongin, leitung ahi zongin-ah a om khempeuh a kimutheite, a kimu thei lote, kumpi tokhomte ahi zongin uknate ahi zongin, a sang belnate ahi zongin, vangliatna ahi zongin, na khempeuh a piangsak hi. Tua Tapa hangah ahi zongin, tua Tapa ading ahi zongin na khempeuh a piangsak hi.

1 PETER MASA 1:20

Tua Khazih in leitung a kipian’sak ma-in a kiciamteh khol hangin, amah hangin Pasian a um note ading a nunung bel hun ciangin hong kilang hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Efesa 1:22

Pasian in Khazih’ khe nuai-ah na khempeuh khiasukin, na khempeuh tungah a uk lutang suak sakin pawlpi adingin a pia hi.

1 KORIN MASA 11:3

Pasalte’ lu un Khazih ahi hi, numeite’ lu un pasal ahi hi, Khazih’ lu in Pasian ahi hi ci-in note in na theih nading uh ka deih hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Hebru 11:40

Bang hang hiam na cih uh leh, tua mite eite tawh loin, kicin’na a tum loh nadingun Pasian in eite ading a phazaw na a ciamteh hi.

Kolose 3:11

Tua bawlphatna-ah Grik mi a om kei hi, Judah mi a om kei hi, vunat mi a om kei hi, vunat lo mi a om kei hi, mi pil lo a om kei hi, Sithia mi a om kei hi, sila a om kei hi, sila lo mi a om kei hi; Khazih in na khempeuh hi a, na khempeuh sungah a om hi.

Efesa 2:15

ngeina tawh kipawl Thukham kilemlohna thu a pumpi sungah a paihkhiat khit ciangin kikhen khia a, om kikal dalna kawm phelkhia-in, mi pawl nihte pawl khat bek a suak sak hi. Bang hang hiam na cih uh leh, gal kilem sakin ama sungah tua pawl nihte in pawl thak khat bek a suah nadingin bawl pha a, pawl khat bek suah khin a,

1 KORIN MASA 10:11

Tua thu khempeuh in limlahna ahih nadingin tuate tungah a na tung hi. Leitung khang a nunung bela piang eite hong kihilh nadingin a kigelh hi.

Mattiu 25:32

A mai-ah mi namkim kikhawmsakin gancingpa in tuu leh keelte a tuam khen mah bangin, mi khempeuh a tuam tuakin hong kikhensak ding hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Hebru 9:10

neek ding dawn ding, silsiang nading apawl pawlte tawh, pumpi tawh kipawl ngeinate ahi uh a, a kibawl thak hun a tun’ dongin a kip bek uh hi.