Daniel 9:3 - Tedim Bible

³ An ngawlin, ippi puan silhin, vut lakah tu-in, Topa’ kiangah deihtakin thu ka ngen hi.

Tedim Bible Revision 2017

³ An ngawlin, puanhampi silhin, vut lakah tu-in, Topaʼ kiangah deih takin thu ka ngen hi.

Daniel 9:3 Referans Kwoze

Jeremiah 33:3

Kei nong sap leh kong dawngkik ding a, na theih ngei nai loh a ki-im cip thu lianpite kong gen ding hi.

Esther 4:16

“Pai-in Susa khua sunga om Judah mi khempeuh khawm in la, keimah ngaihsutna-in an na tang un; a sun a zan ci loin ni thum sung an ne lo, tui dawn loin na om un. No tan’ mah bangin kei leh ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai ding hi; ka sih leh zong a si ka hi ding hi,” a ci hi.

Ezra 9:5

Tua hi a, nitak biakpiak hun ciangin khua phawk kikin ka puan keekpi mah silh kawmin khukdin’in Topa ka Pasian’ lamah ka khut zaakin,

Ezra 10:6

Tua ciangin Pasian’ inn panin Ezra paikhia-in Eliashib’ tupa Jehohanan’omna inndei ah pai-in tua lai-ah giak hi; salsuahna pan hong ciahkik mite’ khialhna hangin dah ahih manin amah in an leh tui ne zo lo hi.

Ezra 8:21

Tua ciangin eite’ Pasian’ mai-ah kote kiniamkhiat thei-in kote leh ka naupangte uh leh ka neihsa khempeuh uh nuam takin ka khualzinna uhah ka pai theih nading uh Pasian’ tung pan ka nget theih nadingun Ahava lui-ah antan’ nading thu ka taangko hi.

Sawltak 10:30

Kornelias in, “Tuni-in ni li a phak zawh ni, tu hun lai tak nai thum thungetna ka inn sungah ka bawl lai takin, puan taang mahmah a silh mi khat in ka mai-ah a ding hi.

Luka 2:37

kum sawmgiat leh kum li dong meigong a, thungetna leh an tan’na tawh sun tawh zan tawh pelh loin bia-in biakna innpi lawi loin a om hi.

Joel 2:12

Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Ezekiel 36:37

“Tu-a teng bek hi loin a dang zong ka hih lai ding hi. Keima tung pan Israel mite huhna ka ngensak ding a, tuuhonpi bangin Israel mite ka tamsak ding hi.

Late 35:13

Ahih hangin kei ahih leh, amaute a cinat uh ciangin—puanhampi silhin an tangin kei ka kigim tawmsak hi. Ka ang ah ka lu phumin thu ka ngen a,

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Nehemiah 9:1

Tua kha mah a ni sawmnih-le-li ni-in an tang dingin Israel mite kikhawm uh a, puanhampi silhin a lu tung uhah lei kibuak uh hi.

Isaiah 22:12

Tua ni ciangin Vanglianpen Topa Pasian in kahna leh thuumna, sam mettolna leh puanhampi silh ding thu hong pia hi;

Daniel 9:2

Amah kumpi a suah zawh a kum masa kumin keimah Daniel in, Topa in kamsang Jeremiah tunga Jerusalem kum sawmsagih sung kisia ding hi, ci-a a genna laibute simin, tua thute ka ngaihsun hi.

Daniel 9:4

Topa ka Pasian kiangah thungenin, ka mite’ mawhna pulakin: “Topa Pasian aw, nang na lian-a ka hong zahtak uh hi. Nang na thuman a, itna thuciamna leh na thupiakna bang a mangte leh a hong itte a tawntungin na it hi.

Daniel 9:20

Keima mawhna leh ka mipih Israelte’ mawhna pulakin, ka Topa Pasian kiangah a mual siangtho a hong puahkik nadingin thuumin thu ka ngenngen hi.

Jonah 3:5

Nineveh khuamite in kisik kik-in Pasian a um uh a, antan’ nading thu thang sakin, a golpen pana kipan a neupen dongin ippi puan a silh uh hi.

2 SAMUEL NIHNA 12:16

Tua ahih ciangin David in naungek adingin Pasian tungah thum hi; David in an tangin pai-in zan tawntung lei lakah lum hi.

JOB (Job) 42:6

Tua ahih ciangin ka paunasate khempeuh hangin ka maizum a, tu-in vut leh vai khu-in nakpi takin ka kisik hi,” a ci hi.

Mattiu 17:21

Note in upna nei le-uh teh, bawl zawh loh na khat beek na nei kei ding uh hi,” ci-in a gen hi.