Daniel 9:26 - Tedim Bible

²⁶ Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Tedim Bible Revision 2017

²⁶ Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Daniel 9:26 Referans Kwoze

Nahum 1:8

Tuikhang in a suksiat bangin a langte susiagawp a, a galte, khuamial sungah nawhkhia hi.

Isaiah 53:8

Nenniamna leh thukhenna tawh amah kipaikhiatpih hi; a hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Marka 13:2

Zeisu in, “Hih a lian mahmah innte na mu uh hiam? A kiphelkhia loin suang khat tungah suang kiciang khat beek a om kei ding hi,” a ci hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Luka 24:26

Zeisu in hih bang teng thuakin minthan’na a ngah nading thu om lo ahi hiam?” a cih khit ciangin,

Marka 9:12

Zeisu in, “Elijah hong pai masa takpi ding a, na khempeuh a bawl kik ding hi. Mihing Tapa in zong gimna tampi leh nialna a thuak ding ci-in Lai Siangtho sungah kigelh zo hilo ahi hiam?

Mattiu 24:2

Zeisu in, “Hihte khempeuh mu hilo na hi uh hiam? Ke’n aman takpi kong cih-inah, a kiphelkhia loin suang khat tungah suang kiciang khat beek a om kei ding hi,” a ci hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Daniel 11:10

“Siria kumpipa’ tate in galdo dingin kithawi-in galkap ding mi tampi a kaikhawm ding uh hi. Tua galkap mangte khat thahat diakin tuikhang bang dinga galte’ kulhpi a luh zo ding hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

Isaiah 8:7

en in, Topa in Assiria kumpipa leh ama minthan’na khempeuh ahi, hat a, a tam mahmah Gun tuite, amaute’ lang khatah piangsak ding hi; tui in a batna ngei teng tum-in, a piau khempeuh dimlet hi;

1 PETER MASA 2:21

Bang hang hiam na cih uh leh, tua bang deihna in note hong sam zo hi. Khazih in zong note ading gimna thuak a, ama khekhap na zuih nadingun a lim a koih zo hi.

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

Luka 24:46

Khatvei Zeisu in,, “Khazih in sihna thuak a, ni thum khit ciangin thokik ding a;

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Marka 13:7

Galdona thu leh gal kikapna thu na zak uh ciangin lunghimawh kei un. Tuate a piang ding uh hi. Ahih hangin a beina a tung nai kei ding hi.

Mattiu 22:7

Kumpipa in a zak ciangin, heh mahmah a, a galkapte kuan sakin tua mi thatte khempeuh thatin a khua uh mei-in a halsak hi.

Mattiu 22:2

“Vantung Gam in a tapa ading molakpawi a kham kumpipa tawh kibang hi.

Amos 9:5

Mihonpite’ Topa Pasian in, leitung lawngin leitung in tuisuak a, leitunga teeng mi khempeuh kap uh hi. Nail Gunpi bangin leitung buppi khang toin kiamsuk ding hi.

Amos 8:8

Tua ahih manin ziin hong liing ding a, leitunga om mi khempeuh kap ding uh hi. Nail Gunpi bangin leitung khempeuh khang toin kiamsuk ding hi.

Hosea 1:9

Tua ciangin Topa in, “Na tapa’ min dingin ka mi hi lo, a cih nopna Loammi phuak in; bang hang hiam cih leh no Israel mite, ka mi na hi kei uh a, keimah in note’ Pasian ka hi kei hi,” a ci hi.

Jeremiah 46:7

“Nail gunpi bangin hong khang a, guntui khang a bang kua ahi hiam?

Late 22:15

ka thahatna in leibeel phel bangin keu a, ka leii zong toncip hi; nangmah in sihna leivui sungah kei nong koih hi.

Luka 21:6

Zeisu in, “Tua na muh uh nate ahih leh, a kiphelkhia lo ding suang khat tungah suang kiciang khat beek a om theih loh ding hun a hong tung ding hi,” a ci hi.

Mattiu 23:38

En un, na inn uh mi omlo gam simthamin kinusia ding hi.

Daniel 11:17

Siria kumpipa in a galkap neih khempeuh zangin galsim ding a ngaihsun ding hi. Olno taka a gualzawh theih nadingin a tanu leh a galte teen’ sak ding a ngaihsun ding hi. Ahih hangin a lawhcing zo kei veve ding hi.

Jeremiah 51:42

Babilon gamah tuipi hong kahto a, tuihual lauhuaite in tuam ta hi.

Daniel 11:22

Ama mai-ah galkap honpite kisiak khia ding a, thuciamna tawh kipawl kumpipa zong a kisia mang ding hi.

2 SAMUEL NIHNA 21:5

Amaute in kumpipa kiangah, “Israel gam sungah kote in mun ka neih loh nadingun kote hong netumin suksiat ding a vaihawmpa,

Isaiah 28:2

En un, Topa in vanglian-in a hat mahmah mi khat nei hi; a susia huihpi gialpi, tuikhanglet leh a thahat huihpi bangin amah in leilak den’ gawp nading hi.

Isaiah 28:22

Tua ahih ciangin tu-in, note hong kikhihna, a to-in kibawl kha ding ahih manin thusim loin om kei un; bang hang hiam cih leh Vanglianpen Topa Pasian tung panin gam buppi-ah siat nading thukhenna ka za khin hi.

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.