Daniel 9:25 - Tedim Bible

²⁵ Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Tedim Bible Revision 2017

²⁵ Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik dinga, kum sawm guk le nih mun sagih sung kip dinga, ahih hangin buai hunsung ahi ding hi.

Daniel 9:25 Referans Kwoze

Ezra 4:24

Tua huna kipanin Jerusalem a, om Pasian’ inn a kisepna khawl hi; Persia kumpi Darias’ uk a kum nihna dong tua bangin khawlcip phot hi.

Johan 4:25

Numei in, “Khazih kici Messiah hong tung ding ke’n ka thei hi. Amah hong tun’ ciangin thu khempeuh hong hilh ding hi,” a ci hi.

Johan 1:41

Amah in a u Simon zong masa a, “Messiah ka mu zo uh hi,” ci-in Zeisu kiangah a paipih hi. Messiah a khiatna in ‘Khazih’ cihnopna ahi hi.

Isaiah 55:4

En un, amah pen mite tungah teci ding, mite a makai ding leh a ukpa dingin ka koih hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Daniel 9:23

Pasian tunga thuum dinga na kisak lai takin Amah in a hong za zo hi. Pasian in nang hong it ahih manin, tua thu gen dingin ka hong pai zo hi. Tu in, tua mangmuhna thu ka hong hilh tel lai takin, ciamteh in.

Daniel 8:25

A lungsim daplan lua ahih manin zuau phuah siamna tawh a hih peuhpeuh a tangtun’ ding hi. Amah kiliansak lua-in, theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Nehemiah 6:15

Elul kha ni sawmnih leh ni nga ni-in kulh kizo a, ni sawmnga leh ni nih sung hun bei hi.

Nehemiah 4:8

Tua hi a, Jerusalem hong simin buaina a piangsak dingin amaute kipawlin vaihawmna khat nei uh hi.

Nehemiah 3:1

Tua ciangin siampi lian Eliashib leh a siampi pihte in nasep kipanin Tuu Kongpi bawl uh hi. Amaute in a khuamte leh a zawlte bawlin a kongkhakte bulh uh hi; amaute in Mi Za Khat Tausang ciang banah Hananel Tausang dong sem uh a, tua ciangin Pasian tungah ap uh hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Sawltak 3:15

nuntakna hong pia Mangpa na that tazen uh hi! Ahih hangin Pasian in amah a thawhkiksak thu kote in teci ka hi uh hi.

Marka 13:14

“A kisia thei kihhuaina in a kilawm lo munah ding-in a om na muh uh ciangin, (Lai Siangtho a sim theite in thei ta hen) Judah gamah a omte in mual tungah tai ta uh hen.

Mattiu 24:15

“Tua ahih ciangin kamsangpa Daniel a hilh ngei bangin, a kisia thei kihhuaina in a siangtho munah ding-a a om note in na muh uh ciangin, (Lai Siangtho a sim theite in thei ta hen.)

Daniel 8:11

Amah in vantung galkap kumpipa nangawn do-in ama tunga kipia nisim biakna piaknate nangawn khawlsakin, biakinnpi biaknate a beisak hi.

Late 71:10

Bang hang hiam cih leh ka galte kiho-in, kei hong thah nopna thu kikum uh hi.

Ezra 7:8

Kumpipa’ uk kum sagih a cin’ kum, a kha ngana sungin Jerusalem tung uh hi;

Ezra 7:1

Hih thu teng khit ciangin Persia kumpipa Artakzaksis uk hun sungin Ezra, a pa Seraiah, a pa Azariah, a pa Hilkiah,

2 SAMUEL NIHNA 15:25

Tua ciangin kumpipa in Zadok kiangah, “Pasian thuciamna singkuang khuapi sungah pua kik in. Topa’ maipha na muh nak leh, amah in kei hong paipih kikin amah leh a omna mun hong musak kik ding hi;

Efesa 5:16

tuni hunte in a gilo ahih maninah, ahun na teel un.

Sawltak 8:30

kamsangpa Isaiah’ lai a sim za a, “Na simna thu na thei hiam?” ci-in a dong hi.

Mattiu 13:23

Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Nehemiah 4:2

Amah in a kikholhpihte leh Samaria galkapte’ kiangah, “Hih Judah mi niangnuangte in bang hih dinga kipan ahi uh hiam? Hih mun bawlpha ding a, kingaihsun ahi uh hiam? Biakna pia-in, a nasep uh ni khat sungin zo dingin kilamen ahi uh hiam? Amaute in a kangtumsa nin bulomtang panin suangtum bawl kik thei ding ahi uh hiam?” ci hi.

Thuhilh-sia 3:3

Gawh hun om a, khawi hun om hi. Phel hun om a, lam hun om hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makaipa’ biang ciang tawh sat ding uh hi.