Daniel 9:24 - Tedim Bible

²⁴ “Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Tedim Bible Revision 2017

²⁴ “Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Daniel 9:24 Referans Kwoze

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Gamlak-vakna 14:34

Na gam vaan sung uh ni phazah tawh kizui-in, ni sawmli, ni khat ciangin kum khat, note in na mawhna uh kum sawmli sung na thuak ding uh a, keima lungkim lohna na thei ding uh hi,’ a ci hi.

Siampi Laibu 25:8

“Kum nipi sagih hun in note adingin kum sawm-li-le-kua ahih theih nadingin note in kum nipi sagih, kum sagih mun sagih vei na simto ding uh hi.

Sawltak 3:22

Moses in, ‘Topa Pasian in nomau ute naute lakah keimah bangin kamsangpa khat note ading a piangsak ding hi. Amah in nomau kiangah thu a gen khempeuh na ngai ding uh hi.

Isaiah 56:1

Topa in hih bangin ci hi: “Sawt loin note hong honkhia ding a, ka dikna hong lakkhia ding ka hih manin thutang un la, thumanin gamta un.

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Isaiah 51:8

Bang hang hiam cih leh nget in puan a nektum bangin amaute beimang ding a, lungno in samul puan a pehtum bangin amaute maimang ding hi; ahih hangin keima dikna om tawntung ding a, khang tawntungin ka hotkhiatna kip ding hi.”

Late 45:7

thumanna deihin gitlohna na mudah hi. Tua ahih ciangin Pasian ahi, nangma Pasian in, na gualpihte tungah kikhaito-in lungdamna sathau tawh nang hong nilh zo a,

Mangmuhna 14:6

Leitungah a teeng mite-a kipan gam khempeuh, nam khempeuh, pau khempeuh, pawl khempeuhte kiangah tawntung Lungdamna Thu hilh dingin vantungmi adang khat in vankim lai-ah a leeng ka mu hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Ezekiel 4:6

Hih bangin na gamtat khit ciangin na taklam delhphahin na kihei leuleu ding a, Judah mite’ mawhna daan ni sawmli sung na thuak leuleu ding hi. Nangma thuak ni khat pen amau’ thuak ding kum khat tang ahi hi.

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

2 KHANG TANGTHU NIHNATE 29:24

tua ciangin Israel khempeuh adingin pumkhat suahna bawl nadingin siampite in goin tuate’ sisan tawh biakna tau tungah khialhna hanga biakna bawlna bawl uh hi. Bang hang hiam cih leh Israel khempeuh adingin meihal biakna leh khialhna hanga biakna a bawl ding uh kumpipa in thu pia hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Hebru 10:14

Bang hang hiam na cih uh leh, siangthona a ngah mite, khatvei biakna tawh kicin’ tawntungna a ngahsak hi.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

Kolose 2:14

Eite lang khatah kilem lo-a a om ngeina tawh kipawl kiciamna lai sumangin, singlamteh tungah khen a, eite kikal sung pan a paaimang hi.

Kolose 1:20

singlamteh tungah a buak sisan hangin gallemna piangsakin, leitung nate ahi zongin, vantung nate ahi zongin, na khempeuh in Tapa hangah Pasian tawh a kilem theih nading ahi zongin a deih hi.

Sawltak 3:14

Note in Mi Pha Mi Siangtho na nial uh a, mi thatpa khah nadingin na ngen uh a,

Johan 1:41

Amah in a u Simon zong masa a, “Messiah ka mu zo uh hi,” ci-in Zeisu kiangah a paipih hi. Messiah a khiatna in ‘Khazih’ cihnopna ahi hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

Marka 1:24

“Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ mi siangtho na hi hi,” ci-in a kiko hi.

Mattiu 11:13

Bang hang hiam cih leh Pasian’ kamsangte khempeuh leh thukham in Johan hun donga a piang ding thute a genkhol hi.

Mattiu 1:21

Amah in tapa a nei ding hi. Tua tapa in ama mipawlte’ mawhnate sung pan a gumkhia ding ahih ciangin a min Zeisu na phuak ding hi,” ci-in a hilh hi.

Ezekiel 28:12

“Ezekiel aw, Tai-ar kumpipa in a thuak ding tawh kisai-in tamlawh in la, Topa Pasian ahi keima thugen, hih bangin gen in: Nidang lai-in kicing etteh pha khat na hi a, pilna leh hoihna tawh na kidim hi.

Kah la 4:22

Jerusalem in a mawhna thaman a sang khin zo hi. Ka thuak ding uh a nasiapen pen teng ka thuak khin zo uh hi. Ahih hangin Edom aw, Topa in nang daan hong pia ding a, na mawhna a hong pholak sak ding hi.

Siampi Laibu 8:15

Kilemna bawl nadingin Moses in goin, a si la-in a kiim-a biakna tau kite a khutme tawh nuhin, biakna tau siangtho sakin, biakna tau bulah a site sung khia-in, ap hi.

Filippi 3:9

Topa hangin na khempeuh ka taan zo a, sihna pan thawhkikna thu ka ngah theih nadingin Topa’ thuak sihna sungah tumin, tua Topa ahi zongin, ama thawhkikna’ vangliatna ahi zongin, ama gimthuakna zomin thuakna ahi zongin theih tel nadingin, thukham hanga ka ngah keima dikna om loin, Khazih upna hanga ka ngah upna hangin Pasian hong piak dikna muan’na tawh Khazih a meetin ngahin, tua Topa ah kip-a ka om zawh nadingin nadangte khempeuh eek hi ci-in ka ngaihsun hi.

Mattiu 4:5

Tua khit ciangin dawimangpa in, Zeisu khua siangtho sungah paipihin, biakna innpi khum zangah a koih khit ciangin,

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Sawltak 4:26

‘Topa leh ama Khazih do dingin Leitung kumpite ding uh a, Gam-ukte in a kikhawm uh hi,’ci-in Kha Siangtho tawh nang in ka pa uh David’ kamin na cih mah bangin,

Ezekiel 4:5

ni zathum leh ni sawmkua sung na thuak ding hi. Bang hang hiam cih leh amau’ daan thuak ding kum khat sung tang dingin ni khat, amau’ thuak ding kum zah nangmah in a ni-in na thuak ding hi.

Zekhariah 4:14

Tua ciangin amah in, “Leitung khempeuh’ Topa’ na a sem dingin Pasian in teelin sathau a nilh mi nihte a cih nopna ahi hi,” hong ci hi.

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi; tuikulh gamte in ama thukham sungah lametna nei ding uh hi.