Daniel 9:23 - Tedim Bible

²³ Pasian tunga thuum dinga na kisak lai takin Amah in a hong za zo hi. Pasian in nang hong it ahih manin, tua thu gen dingin ka hong pai zo hi. Tu in, tua mangmuhna thu ka hong hilh tel lai takin, ciamteh in.

Tedim Bible Revision 2017

²³ Pasian tungah thum dingin na kisak laitakin amah in a hong za zo hi. Pasian in nang hong it ahih manin, tua thu a gen dingin ka hong pai hi. Tu-in, tua maangmuhna thu ka hong hilh tel laitakin ciamteh in.

Daniel 9:23 Referans Kwoze

Daniel 10:19

Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

Mattiu 24:15

“Tua ahih ciangin kamsangpa Daniel a hilh ngei bangin, a kisia thei kihhuaina in a siangtho munah ding-a a om note in na muh uh ciangin, (Lai Siangtho a sim theite in thei ta hen.)

Luka 1:28

Gabriel in ama kiang a tun’ ciangin, “Thupha a ngah nungak aw, na cidam ta hen. Topa in nang tawh a omkhawm hi,” a ci hi.

Solomon la 7:10

Ka ngaihno’ aa ka hi a, amah in kei hong deih hi.

Ezekiel 26:12

Note’ neihsa na hoih khempeuh, na galte un a ut ut-un zang ding uh hi. Kulhte supai-in inn hoihpipite satthang gawp ding uh hi. Inn-a kizang sing leh suang, leh na khempeuh la-in tuipi sung den’ nading uh hi.

Ezekiel 24:16

“Ezekiel aw, na it penpen mi khat thakhatin a hong laksak ding ka hi hi. Na thuum na tau kei dinga zong kap loin, na khitui zong na luangsak kei ding hi.

Daniel 6:3

Daniel in gam ukpi dangte leh vaihawmpi dangte sangin nasep a siam zaw diak se hi. Tua banga siam zaw diak se ahih manin kumpipa in gam buppi uk a, koih dingin a ngaihsun hi.

2 KUMPI NIHNATE 19:20

Tua ciangin Amoz’ tapa Isaiah in Hezekiah kiangah sawlin, “Israel Pasian, Topa in hih bangin ci hi: Assiria kumpipa Sennakherib tawh kisai kei tungah nong thungetna ka za zo hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Ezekiel 14:14

Noah, Daniel leh Job, hih mihing thumte nangawn, amaute’ lakah a om hi leh, amaute’ hoihna in amau’ nuntakna ciat bek mah suaktak zo ding uh hi. Topa Pasian in ci hi.

Daniel 10:1

Sairas in Persia gam kumpi-a a suah zawh kumthum a phak lai takin, Belteshazzar a kici Daniel tungah thu khat a kipia hi. Tua thu pen a maan hi a, theihtel hak mahmah ahih manin mangmuhna tawh tel takin a kilak hi.