Daniel 9:22 - Tedim Bible

²² Amah in, “Daniel aw, hilhkholhna thu a theisak dingin ka hong pai zo hi.

Tedim Bible Revision 2017

²² Amah in, “Daniel aw, hilhkholhna thu a theisak dingin a hong pai ka hi hi.

Daniel 9:22 Referans Kwoze

Daniel 8:16

Ulai gungal panin mihing’ aw khat hong kiko a, “Gabriel aw, ama kiangah a muh nate a khiatna hilh in,” cihna ka za hi.

Zekhariah 1:9

Tua ciangin keimah in, “Sia aw, hih sakolte bang a cih nopna ahi hiam?” ci-in ka dong hi. Vantungmi in hong dawng a, “Bang a cih nopna hiam cih kong lak ding hi.

Mangmuhna 4:1

Tua thute khit ciangin ka et leh, vantungah kong vang khat kihongin a om ka mu hi. “Hong kahto in. A nung ciangin a piang ding nate ka hong lak ding hi,” ci-in a masa-a, kei kiangah hong gen peengkhul aw banga nakpi-a kiko aw ka zak ciangin,

Zekhariah 1:14

Vanglianpen Topa in ama tungah a gensa thute keimah in ka taangko sawn nadingin tua vantungmi in kei hong sawl a, “Ka khuapi siangtho Jerusalem, nakpi takin itin ka lunghimawh hi.

Daniel 7:16

Ka pam-a ding mite khat kiangah pai-in hihte khempeuh a khiatna hong hilh in ci-in ka dong hi. Tua ciangin amah in a khiatna a hong hilh hi.

Daniel 10:14

Mai lam hunah na mipihte’ tunga hong tung ding thu hilhkhol dinga hong pai ka hi hi. Hih in mai lama hong piang lai ding mangmuhna ahi hi.

Amos 3:7

Topa Pasian in ama nasem kamsangte tungah, ama geelna theisak lopi-in bangmah hih het lo hi.

Daniel 10:11

Amah in, “Daniel hong kizahtak mahmah pa aw, Ding in la, kong thu gente limtakin ciamteh in. Na kiangah thu gen dingin kei hong kisawl zo hi,” a hong ci hi. Amah in hi thu teng a hong gen khit ciangin liing kankan kawmin ka ding hi.

Daniel 10:12

Tua ciangin amah in, “Daniel aw, lau kei in. Kiniamkhiat dinga na lungsim na khentat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.