Daniel 9:20 - Tedim Bible

²⁰ Keima mawhna leh ka mipih Israelte’ mawhna pulakin, ka Topa Pasian kiangah a mual siangtho a hong puahkik nadingin thuumin thu ka ngenngen hi.

Tedim Bible Revision 2017

²⁰ Keima mawhna le ka mipih Israel-teʼ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.

Daniel 9:20 Referans Kwoze

Late 145:18

Amah a sam mi khempeuh, lungsim tak tawh a sam mi khempeuhte kiangah, Topa nai hi.

ROM (Romans) 3:23

Bang hang hiam na cih uh leh, mi khempeuh a mawh uh a, Pasian’ maipha a ngah nading uh kisia hi.

Isaiah 58:9

Tua ciangin thu nong nget uh ciangin kong pia ding a, nong sap uh ciangin kong dawng ding hi. Mi bawlsiatnate khawlin, mi simmawhna khutme tawh kawk in kam gilo na paunate uh na khawl uh a,

Daniel 9:16

Nang na diktat hi, tua ahih ciangin Jerusalem na mual siang tungpan na hehna na lakhia in. Tua in na khuapi hi a, na mual siangtho ahi hi. Kote leh ka pute ka pate uh khialhna leh gitlohna hangin ka kiim ka paam uh a mite khempeuh in Jerusalem leh na mite a hong simmawh uh hi.

Isaiah 65:24

Amaute in hong sap ma-in ke’n ka dawng ding a, thu a gen laitakun ka za ding hi.

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Late 32:5

Ka khialhna na tungah kong pulak a, ka mawhna ka im kei hi; “Ka khialhnate Topa tungah ka pulak ding hi,” ka ci hi; tua ciangin ka mawhna nin nong maisak hi.

Mangmuhna 21:10

Kha Siangtho tawh kei a sang mual lian dawnah hong paipih a, Pasian kiang vantung pan Pasian’ vangliatna pua-in hong kiasuk Jerusalem Khuapi Siangtho hong lak hi.

Mangmuhna 21:2

Tua lai takin Jerusalem khua thak ahi Khuapi Siangtho in a pasal ading a kizeemsa-in a om, a kipi mo bangin kiging kholin Pasian kiang vantung pan hong kiasuk ka mu hi.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Daniel 10:2

Tua hun lai takin keimah Daniel in, nipi kalthum sung khakunin dahin ka om hi.

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Thuhilh-sia 7:20

A manin a gamta, a khial ngei het lo, leitungah mi khat zong om het lo hi.

Ezra 10:1

Ezra in tu-a bangin thu ngenin mawhna pulakin khitui naptui tawh Pasian’ inn mai-ah kunin a om lai takin Israel mi numei, pasal, naupang, mi tampi tak ama kiim-ah hong kikhawmin amaute khempeuh zong nakpi takin a kap uh hi.

Nehemiah 1:6

Israel mi ahi, na nasemte’ taangin sun leh zanin kong thunget nilohna a ngai dingin na bil hong ngat in la, na mit hong hak in. Nangma tungah ko Israel mite ka khialhna uh, keimah leh ka pu ka pate zong ka khialhna uh ahi ka mawhnate uh kong pulak uh hi.

Daniel 10:12

Tua ciangin amah in, “Daniel aw, lau kei in. Kiniamkhiat dinga na lungsim na khentat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.

Daniel 11:45

Amah in a kumpi puanbuk lianpite biakinn din’na mualtung leh tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi.