Daniel 9:15 - Tedim Bible

¹⁵ Kote’ Topa Pasian aw, na mihingte Izipt gam panin a vanglian khut tawh nong lakhia a, na min tu dongin a kiphawk lai hi. Ka mawh khin uh a, ka khial khin uh hi.

Tedim Bible Revision 2017

¹⁵ “Koteʼ Topa Pasian aw, na mihingte Egypt gam panin na hong la khia a, na vangliatna tu dongin kiphawk lai hi. Ka mawh khin uh a, ka khial khin uh hi.

Daniel 9:15 Referans Kwoze

Nehemiah 9:10

amaute in ka pute ka pate uh kihihsakna tawh a hih gawpna thei na hih manin Faro leh a nasemte leh a gam mi khempeuh langpanin lim leh nalamdang na bawl hi; tua hi a, tu ni dongin a kip min khat nangma adingin na ngah hi.

Daniel 9:5

Kote ka hih uh leh ka gi kei uh a, ka mawh khin uh a, ka khial khin uh hi. Na hong sawlna bang ka mang kei uh a, na thupiakna leh na thukhamte ka taisan khin uh hi.

Nehemiah 1:10

Topa aw, amaute pen na vangliatna leh a thahat na khut tawh hotkhiatsa na nasemte leh nangma mite ahi uh hi.

Paikhiatna 32:11

Ahih hangin Moses in Topa ama' Pasian' tungah thuum a, “Topa aw, a vanglian leh a thahat khut tawh Izipt leitang panin na paikhiatpih ahi nangma' mihingte' tungah bang hangin na hehna so ding ahi hiam?

Paikhiatna 14:18

Faro leh ama' leengte leh ama' sakol tuangte ka zawhna hangin minthan’na ka ngah khit ciangin keimah in Topa ka hihna thu Izipt mite in thei ding uh hi,” a ci hi.

Paikhiatna 6:1

Ahih hangin Topa in Moses kiangah, “Tu-in Faro’ tungah ka bawl ding na mu ding hi; bang hang hiam cih leh a thahat ka khut hangin amah in ut lopipi-in amaute sawlkhia ding hi, hi hi, amah in ut lopipi-in a thahat ka khut hangin ama' leitang panin amaute hawlkhia ding hi,” ci hi.

2 KORIN NIHNA 1:10

Tua Pasian in tua zah-a lian sihna sung pan hong gumkhia a, hong gumkhia lai ding hi.

Luka 18:13

Siahdongpa ahih leh, gamlapi-ah ding-in vantung lam nangawn en ngam loin a awm beengin, ‘Pasian aw, mawhnei keimah hong hehpih in,’ ci-in thu a ngen hi.

Luka 15:21

A ta in, ‘Pa aw, Pasian tung leh nangma mai-ah ka khial zo hi. Tu-a kipanin na ta kicih nadingin ka kilawm kei hi,’ a ci hi.

Jeremiah 32:10

Thukimna lai bawlin, min gelhin, gip khenin, a hong theihpih ding mite zong ka lak khit ciangin tawi khaina-ah sum ka teh hi.

Isaiah 55:13

Ling tangin taksing hong po ding a, lingkung tangin mui kung hong po ding hi; tua pen Topa’ adingin phawk tawntungna, a kilakhia lo ding a tawntunga om lim khat hi ding hi,” a ci hi.

Late 106:8

Ahi zongin amah in, a lian mahmah ama vangliatna a kitheihsak nadingin, ama min a ngaihsutna-in amaute honkhia hi.

1 KUMPI MASATE 8:51

(bang hang hiam cih leh amaute pen Izip panin na paikhiatpih, sik meiphual sung panin na paikhiatpih, nangma mi leh nangma luah ahi uh hi).

Paikhiatna 9:16

ahih hangin leitung khempeuhah keima' min a kipulak theih nadingin nang' tungah ka vangliatna lah ding deihna-in nang kong nungtasak hi.

Paikhiatna 6:6

Tua ahih ciangin Israel mite' tungah, ‘Keimah in Topa ka hi hi, Izipt mite’ na nasepna uh panin note kong paikhiatpih ding hi, amau’ sal hih na panin note kong khahkhia ding hi, a kizan khut leh thukhenna nasep lian tawh note kong tanh ding hi,

Thu-hilhkikna 5:15

Izipt gamah nasem na hihna leh tua lai panin Topa na Pasian in a vangliatna khut leh a thahatna tawh hong paikhiatpihna na phawk ding hi; tua ahih ciangin sabbath ni na tan’ ding Topa na Pasian in thu hong pia hi.

Paikhiatna 13:3

Moses in mite' tungah, “Salsuahna gam, Izipt panin na paikhiat uh hih ni phawk un, bang hang hiam cih leh Topa in vangliatna khut tawh hih mun panin note hong paikhiatpih hi; silngo sawh anlum kine lo ding hi.

Paikhiatna 13:9

Na kam in Topa’ thu kham a gen tawntung theihna dingin hih in na khut tungah lim, na mitte kikalah phawkna khat hi ding hi; bang hang hiam cih leh Topa in a vangliatna khut tawh hih mun panin nang hong paikhiatpih hi.

Paikhiatna 13:14

Hong pai ding hunah na tapa in, ‘Hih in bang a cih nopna ahi hiam?’ ci-in nang hong dot ciangin, nangmah in ama' kiangah, ‘Salsuahna, Izipt panin Topa in vangliatna tawh eite hong paikhiatpih hi.

Paikhiatna 13:16

Tua in na khut tung-a om ciamtehna lim ahih kei leh na mitte kikal-a talsuante bang hi ding hi; bang hang hiam cih leh Topa in a vangliatna tawh Izipt panin eite hong paikhiatpih hi,” a ci hi.

2 KUMPI NIHNATE 21:15

bang hang hiam cih leh amaute in a pu a pate uh Izipt panin hong paikhiat akipan tu ni dongin keima muhna ah a sia gamta-in kei hong hehsak uh hi,” a ci hi.

2 KHANG TANGTHU NIHNATE 6:37

ahi zongin galmatin a kipuakna gamah amaute in a lungsim sung uhah tua thu ngaihsunin kisik kik a, ‘Kote khialin lam pialin ka gitloh tat uh hi,’ ci-in amaute galmatin a omna gam panin nang tungah hong thuum a;

Nehemiah 1:6

Israel mi ahi, na nasemte’ taangin sun leh zanin kong thunget nilohna a ngai dingin na bil hong ngat in la, na mit hong hak in. Nangma tungah ko Israel mite ka khialhna uh, keimah leh ka pu ka pate zong ka khialhna uh ahi ka mawhnate uh kong pulak uh hi.

Isaiah 64:4

Amah in a ngakte’ ading na a sempa’ thu tanglai pek panin kuamah in thei ngei lo, kuama bil in za ngei lo, kuama mit in nang sim loh Pasian dang mu ngei lo hi.

Jeremiah 14:20

Topa aw, ka gitlohna uh leh ka pute ka pate’ gitlohna uh kong pulak uh hi. Bang hang hiam cih leh nang’ tungah kong mawh khin uh hi.

Kah la 3:42

“Topa aw ka khial khin uh a, nang hong lehdo kha ka hih manun ka mawhna uh na hong maisak kei hi.

Ezekiel 5:6

Ahi zongin Jerusalem in ka thupiakna lehdo-in, minam dangte sangin a gilo zaw hong suak a, a kiim-a om gamdangte sangin a thumang lo zaw hong suak hi. Jerusalem in ka thupiakte nialin ka thukhamte zui nuam lo hi.