Daniel 9:14 - Tedim Bible

¹⁴ Topa Pasian aw, nangmah in kote daan pia dingin na kithawi a, na hong pia takpi hi. Bang hang hiam cih leh na hihna khempeuh thuman hi a, kote in na thu ka hong mang kei uh hi.

Tedim Bible Revision 2017

¹⁴ Topa Pasian aw, nangmah in kote gim a pia dingin nong kithawi a, na hong pia takpi hi. Bang hang hiam cih leh na hihna khempeuh a thuman hi a, kote in na thu ka hong mang kei uh hi.

Daniel 9:14 Referans Kwoze

Daniel 9:7

Topa aw, nang na hih leh na dik a, ahih hangin kote ka hih uh leh a zumhuai-in ka gamta uh hi. Judah gam leh Jerusalem khua sunga teeng Israel mite khempeuh na tungah hong thuman lo uh ahih manin, a nai a gamla gam tuamtuamah na thehthang zo hi.

Nehemiah 9:33

Kote tungah hong tungsa thu khempeuh ah nangmah a thutang na hi a, nang citakin a om na hi a, ko a khial gamtat kha ka hi uh hi.

Jeremiah 44:27

En un, keimah in amaute tungah hoihna tung loin siatna a tun’ nadingin ka bawl ding hi. Izipt gam-a om Judah mite khempeuh namsau leh kialpi tawh a si ding uh a, khat beek a suakta kei ding uh hi.

Late 51:14

Pasian, kei hong hon Pasian aw, sih nading daan panin kei hong honkhia in; nong hotkhiatna thu lungdam takin ka sa ding hi.

Jeremiah 31:28

Amaute a kibet khiat nading leh a kitap zan nading ahi zongin, a kisuan khiat nading leh a kisiat nading ahi zongin ka vaihawm mah bangin, Topa in ka cih-inah, amaute a kilam nading leh a kiphuh nadingin ka vaihawm ding hi.

2 KHANG TANGTHU NIHNATE 12:6

Tua ciangin Israel uliante leh kumpipa kiniamkhiatin “Topa thuman hi,” a ci uh hi.

Late 116:5

Topa dikin thuman a, i Pasian in hehpihna nei hi.

Late 119:137

Topa aw, nang na thuman a, na thukhennate zong thuman mahmah hi.

Paikhiatna 9:27

Tua ciangin Faro in mi sawlin Moses leh Aaron samsak a amaute' kiangah, “Tu tungin ka khial hi; Topa man hi, kei leh ka mihingte ka khial uh hi.

Ezra 9:15

Israel Pasian, Topa aw, nang na thutang a, ahi zongin tu ni-a a om lai ko teng nong suakta sak veve hi. Na muhna ah kote a mawhpi mah hita le ung hong hehpih in; bang hang hiam cih leh mawhna hangin nangma mai-ah kuamah om thei lo hi,” ci-in thu ka ngen hi.

Late 111:7

Ama nasepnate khempeuh ah amah thumanin citak a, ama thupiaknate muan’taak mahmah hi.

Jeremiah 4:17

Judah gam in kei hong langpan’ ahih manin a galte in lo hongte bangin a kimkot-ah a pang dimdiam uh hi, Topa in kong ci hi.

Jeremiah 12:1

Topa aw, nang tawh thu i kisel ciangin nang a tawntungin na man den hi; ahih hangin thu khat nang tungah kong dong nuam lai hi. Bang hangin mi gilote a dau pai a, mi khem hatte gualzo sese ahi hiam?

Kah la 1:5

A galte gualzo uh a, amaute a nuaisiah gawp uh hi. Mawhna tampi a neih manun, Topa in tua bangin gimna a thuaksak hi. Naupangte nangawn sila dingin a kipua khia hi.

Ezekiel 16:43

Na neu lai-a kong bawlna teng na mangngilh a, hih bang tenga na gamtatnate tawh kei nong hehsak hi. Tua ahih manin na gamtatna tawh kizui-in kong thuk hi. A muhdahhuai na gamtat dangte banah bang hangin hih paktatna gamta thuah na hi hiam, Topa in ci hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.