Daniel 9:12 - Tedim Bible

¹² Na gensa bangin kote tung leh ko hong ukte tungah a nasia gimna nong tungsak zo hi. Leitunga om khuapi dang khatpeuh na hih ngei loh pen Jerusalem tungah na hih hi.

Tedim Bible Revision 2017

¹² Na gen sa bangin kote tung le ko hong ukte tungah na hong bawl zo hi. Leitung a om khuapi dang khatpeuh sangin Jerusalem khuapi a nasia zaw-in gim na pia hi.

Daniel 9:12 Referans Kwoze

Ezekiel 5:9

Ka deih loh hih nate khempeuh na gamtatna hangin cikmah-in ka hih ngei loh, cikmah ciangin zong ka hih nawn loh ding thu tawh nang Jerusalem kong daantat ding hi.

Kah la 1:12

A kim a pama pai mi khempeuh kiangah, “Hong en in, kei’ thuak zah a gimna a thuak, Topa in a heh lai taka a hong thuaksak gimna a thuak kei longal midang kuamah om lo hi” ci-in a kiko hi.

Isaiah 44:26

a nasempa’ thu kip sakin, a kamtaite’ thugente a tangtungsak; ‘Jerusalem khua-ah mi teengin, Judah khuapite kilamkik ding a,, a kisia khuate ka lamkik ding hi’;

Kah la 2:17

Topa in a sehna bangin a tawp khakna ah a hong bawl hi. Sau veipi lai-a a hong hilhkholhsa bangin hong hehpih nawn loin a hong susia hi. Galte gualzawhna pia a, ei hong guallel sak a, amaute a lungdamsak hi.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.

JOB (Job) 12:17

Amah in mipilte’ pilna susia-in, makaite pen mihai bangin gamta sak hi.

ROM (Romans) 15:8

Khazih in Pasian’ thuman thutak hangah pute pate tungah a piak thuciamna a kip nadingin ahi zongin, Gentailte in zong Pasian’ hehpihna ngahin Pasian a minthan’sak theih nading uh ahi zongin, vun atna a thuak mite’ nasem mi a suak hi. Lai Siangtho sungah: “Tua ahih ciangin Gentailte lakah na hehpihna ka phat a, Nangma min phatna la ka sa ding hi,” ci-a a kigelh bang ahi hi.

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Marka 13:19

Bang hang hiam na cih uh leh, Pasian’ bawlsa leitung pian’cil a kipan tudongin a piang nawn lo ding gimna lianpi tua lai takin a piang ding hi.

Mattiu 24:21

Bang hang hiam na cih uh leh, lei a pian’cil pan akipan tudongin a piang ngei lo, a nung ciang a piang nawn lo ding gimna lianpi tua lai takin a piang ding hi.

Mattiu 5:18

Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.

Zekhariah 1:8

Topa’ vantungmi khat, sakol san khat tungah a tuang ka mu hi. Kuam sunga om mui singkungte lakah amah khawl a, ama nungah sakol dang a san, a gial, a kang om hi.

Zekhariah 1:6

Ahi zongin ka nasem ahi kamsangte’ tung tawnin ka hilhkholhna leh ka thupiaknate in note dongin hong su kha lo ding sa na hi uh hiam? Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in daan ka piakna thu phawk uh hi,’ ci in,” a ci hi.

Amos 3:2

Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin, note daan ka hong pia ding hi.

Joel 2:2

Tua ni a mial, a lungzin’ huai ni, meii kai-in khuazin’ ni hi ding hi. Mual tungah meiipi a kai bangin, sim zawh lohin kauphe honpi hong leeng hi. Cik mahin hih bang om ngei nai lo a, cik mah ciangin zong omkik nawn lo ding hi.

Ezekiel 13:6

Amaute’ maangmuhnate in zuaupi hi a, a thugen kholhnate uh zong thu zuau ahi hi. Keimah in amaute sawl lo napi-in, amaute in, ‘Topa in hih bangin gen hi,’ ci khem uh hi. Tua bang hi napi-in amaute’ thugente ka tun’sak ding a lamen lai uh hi.

Kah la 4:6

Jerusalem’ mawhna in Sodom khuapi mawhna sangin lianzaw ahih manin, thakhatin Pasian khut sungpan kisiatna a ngah uh hi.

Paunak 8:16

Leitunga om mi ukte khempeuh in keima huhna bek tawh uk zo uh a, milian mithupite in keima huhna bek tawh vaihawm zo uh hi.

Late 148:11

Leitung kumpite leh mihing khempeuhte, leitung uliante leh thukhente khempeuh!

Late 2:10

Tua ahih ciangin kumpite aw, tu-in pil un; leitung gam ukte aw, thu phawk un.

1 KUMPI MASATE 3:9

Tua ahih ciangin keimah in a sia leh a pha ka theih theih nadingin na mite uk nading thu theihtelna lungsim na nasempa hong pia in; bang hang hiam cih leh hih a lian a tam na mite kua in uk zo ding ahi hiam?” a ci hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.

Jeremiah 39:16

“Ethiopia mi pa Ebedmelek’ kiangah pai in la, ‘A vanglian Topa, Israel mite’ Pasian in hong gen-inah: En in, Hih khuapi hoih nading hi lo, a siat nading ka gen sate ka tungsak ding a, tua ni a hong tun’ ciangin nangmah in zong na mu ding hi.

Jeremiah 44:23

Note in paknamtui halin Topa tungah mawh tham loin, Topa’ thu mang loin ama’ thukhamte, a ngeinate leh a hong thupiakte zui lo na hih manun tuni mahin zong hih gimna note tungah hong tung ahi hi,” a ci hi.

Daniel 12:1

“Tua hun ciangin na mite a cing, a lian vantungmi Mikhael a hong kilang ding hi. Tua ciangin leitunga mihing a pian’ zawh akipan a nasia penpen gimna hun a hong tung ding hi. Tua hun a hong tun’ ciangin Pasian’ laibu sunga a min kigelh, na mite khempeuh in gupna a ngah ding uh hi.

Zekhariah 7:12

Amaute in a lungsim uh suangtum bangin saksak uh a, Vanglianpen Topa in taanglai kamsangte tung tawnin a Kha Siangtho tawh a gen thuhilhnate ngai nuam lo uh hi. Tua ahih manin Topa heh mahmah hi.

2 KUMPI NIHNATE 22:16

Topa in hih bangin ci hi. En un, hih lai mun leh a tungah a teengte tungah Judah kumpipa in laibu sunga a sim thute khempeuh ahi siatna ka tungsak ding hi.

Isaiah 43:28

Na uliante un ka biakinn mindaisak uh ahih manin, Israel tungah zahhuaina ka tungsak a, Jakob ka siasak hi.