Daniel 8:25 - Tedim Bible

²⁵ A lungsim daplan lua ahih manin zuau phuah siamna tawh a hih peuhpeuh a tangtun’ ding hi. Amah kiliansak lua-in, theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Tedim Bible Revision 2017

²⁵ A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theih kholh lohin mi tampi susia-in, a lian pen kumpiteʼ kumpipa nangawn a langpan ding hi. Ahih hangin mihing thahatna kizang loin amah a kisusia ding hi.

Daniel 8:25 Referans Kwoze

Daniel 8:11

Amah in vantung galkap kumpipa nangawn do-in ama tunga kipia nisim biakna piaknate nangawn khawlsakin, biakinnpi biaknate a beisak hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

JOB (Job) 34:20

Mihingte zan khat thu-in si pak thei hi. Pasian in mite sat pukin si sak thei a, nakpi-in hih kul loin mi thahatte zong that thei hi.

Daniel 11:45

Amah in a kumpi puanbuk lianpite biakinn din’na mualtung leh tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi.

Daniel 7:26

Tua ciangin thukhenna hun hong kipan ding a, ama vangliatna lakkhiat sakin, amah a kisusia maimang ding hi.

Daniel 7:8

Tua kite ka et lai takin a dang kineu khat hong po a, a omsa ki thumte a bot khia hi. Tua ki tungah mihing’ mittang tawh a kibang mittang leh kam om a, kiphatsakna kam tampi a pau hi.

Kah la 4:6

Jerusalem’ mawhna in Sodom khuapi mawhna sangin lianzaw ahih manin, thakhatin Pasian khut sungpan kisiatna a ngah uh hi.

Jeremiah 48:26

“Moab, zukham sak un, bang hang hiam cih leh amah in Topa langpanin kiliansak hi. Tua ahih manin amah in ama’ luak lakah a bual ding a, mi khempeuh in awi-in a nuihsan ding uh hi.

Sawltak 12:23

Amah in Pasian’ min phat lo ahih ciangin Pasian’ vantungmi khat in thakhatin amah sat a, thante in a ne uh a, a si hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

2 THESALONIKA NIHNA 2:3

Kuamah in note bangmah hangin hong kheem kei hen. Bang hang hiam na cih uh leh, tua Ni hong tun’ ma-in langpan’na lian a piang masa ding a, kisiatna’ ta ahi Gilo Mi in hong piang ding hi.

2 THESALONIKA NIHNA 2:8

Tua ciangin a kiseel Gilo Mi a kilang ding hi. Tua mi Topa Zeisu in ama kam sung pan a pusuak hu tawh siasakin, ama hong kilatna’ vangliatna tawh a mangthang ding hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Daniel 11:12

A galhat man leh galkap tampi a thahna hangin kisa thei mahmah ding a, ahih hangin a gualzo tawntung kei ding hi.