Daniel 8:24 - Tedim Bible

²⁴ Amah thahat mahmah ding a, ahih hangin ama thahatna ahi kei ding hi. Amah in a dipkuat huai siatna piangsak ding a, a hihna khempeuh ah a thahat mahmah ding hi. Amah in mi thahatte leh Pasian mite a susia ding hi.

Tedim Bible Revision 2017

²⁴ Amah thahat mahmah dinga, ahih hangin ama thahatna ahi kei ding hi. Amah in a dipkuathuai siatna piangsak dinga, ahihna khempeuh ah a thahat mahmah ding hi. Amah in mi thahatte le Pasianʼ mite a susia ding hi.

Daniel 8:24 Referans Kwoze

Daniel 8:12

Nisim biakna piaknate-ah mawhna dim a, biakna maan lei lakah a kipaikhia hi. Ahihna peuhpeuhah tua ki a thahat mahmah hi.

Mangmuhna 17:17

Bang hang hiam na cih uh leh, amau lungsim kibang uh ahih theih nading ahi zongin, Pasian’ thute a kicingsak dongin, amaute gam sahang tungah ap ding ahi zongin, amau lungkim ding ahi zongin Pasian in ngaihsutna a pia hi.

Daniel 12:7

Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Mangmuhna 19:2

A thukhenna a man a dik hi. Bang hang hiam i cih leh, a gilo nu leh pa khialhna tawh leitungmite a siasak nuam numei gilo tungah thu khenin, a sisa a silate’ sisan hangin ama tungah daan a tat zo hi,” ci-in a gen uh hi.

Mangmuhna 17:6

Tua numei in zong misiangthote’ sisan ahi zongin, Zeisu’ teci pangte’ sisan ahi zongin dawnin kham a, om ka mu hi. Kei in ka et ciangin lamdang ka sa mahmah hi.

Daniel 8:10

Amah in vantung galkapte nangawn dong a ban dingin a thahatna hong khangto a, aksi pawl khatte leitungah lawnkhia-in a tuancil gawp hi.

Mangmuhna 16:6

Bang hang hiam na cih leh, amaute in misiangthote’ sisan leh kamsangte’ sisan a bua uh a, amaute sisan na dawnsak zo hi. Amaute zong a dawn dingun kilawm hi,” a cihna ka za hi.

Daniel 8:11

Amah in vantung galkap kumpipa nangawn do-in ama tunga kipia nisim biakna piaknate nangawn khawlsakin, biakinnpi biaknate a beisak hi.

Daniel 8:23

Tua kumpi gamte a bei ding a nunung zaw hun a nai ciangin, gilo lua mahmah ding uh ahih manin daan a kipia ding hi. Tua ciangin ama thu bek thu a sa, mawhna pawlpawl tawh kidim, hehmel a pua kumpi khat a hong om ding hi.

Late 37:35

Lebanon gam taamtaak sing banga a sang, migilo kiphasak khat ka mu hi.

Daniel 11:23

Zuau gensiamna zangin minam dangte tawh kilemna a bawl ding hi. Minam tawmno khat bek a uk hangin a thahatna a khang semsem ding hi.