Daniel 8:22 - Tedim Bible

²² Ki po masapen a kitan’ khit ciangin a nunga hong po ki lite in, tua gam panin kumpi gam li hong piang ding cih nopna ahi hi. Ahih hangin tua gamte in a masapen kumpi zahin a thahat kei ding uh hi.

Tedim Bible Revision 2017

²² Ki po masa pen a kitan khit ciangin a nung a hong po ki lite pen tua gam panin kumpi gam li hong piang ding a cihnopna ahi hi. Ahih hangin tua gamte ahihleh a masa pen kumpi gam zahin a thahat kei ding uh hi.

Daniel 8:22 Referans Kwoze

Daniel 11:4

Ahih hangin a thahat pen lai takin a gam hong kitam dinga khen li a kisuah ding hi. A suan a khakte in ama gam uk kha loin ama vangliatna zah vaang a nei zo kei ding uh hi; bang hang hiam cih leh ama ukna kibotkhia-in midangte’ tungah kipia ding hi.

Daniel 8:8

Tua keeltal a thahatna hong khangto semsem a, ahih hangin a thahatpen lai takin a ki a kitan hi. Tua ki pona munah a lamdang ki li hong po to kik a, vantung kiu lite a kawk hi.

Daniel 8:3

Ka khuadak toh leh gun gei-ah tuutal khat ding-a om ka mu hi. Amah in a sau mahmah ki nih nei a, a ki po nunung pen a po masa sangin a sauzaw hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzangah vasa-kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Daniel 8:21

Keltal in Grik kumpi gam hi a, a mit kikal-a po ki in kumpi masapen a cih nopna ahi hi.

Daniel 8:23

Tua kumpi gamte a bei ding a nunung zaw hun a nai ciangin, gilo lua mahmah ding uh ahih manin daan a kipia ding hi. Tua ciangin ama thu bek thu a sa, mawhna pawlpawl tawh kidim, hehmel a pua kumpi khat a hong om ding hi.

Zekhariah 6:1

Mang adang khat ka mu leuleu hi. Sumngo mual nih kikal panin sakolleeng li hong paikhia ka mu hi.

Daniel 7:7

Ka et lai leh sapi lina ka mu hi. Tua sapi kihtak huai mahmah a, lipkhap huai-in a thupi mahmah hi. Amah in a gol mahmah sik-ha a nei hi. Amah in nene in a nek val teng a khe tawh a tuancil gawp hi. Amah in sapi dangte tawh kibang loin ki sawm a nei hi.