Daniel 8:19 - Tedim Bible

¹⁹ Amah in, “Pasian’ hehna hanga a kisehsa hun a, thupiang dingte ka hong lak ding hi. Mangmuhna in hun bei nading lahna ahi hi.

Tedim Bible Revision 2017

¹⁹ Amah in, “Pasianʼ hehna hangin thupiang dingte kong lak ding hi. Na maangmuh pen hun beina ding lahna ahi hi.

Daniel 8:19 Referans Kwoze

Habakkuk 2:3

Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Mangmuhna 17:17

Bang hang hiam na cih uh leh, amau lungsim kibang uh ahih theih nading ahi zongin, Pasian’ thute a kicingsak dongin, amaute gam sahang tungah ap ding ahi zongin, amau lungkim ding ahi zongin Pasian in ngaihsutna a pia hi.

Daniel 11:27

Tua kumpi tegel in sabuai khat tungah tu in, an a ne khawm ding uh hi. Ahih hangin a ngaihsutna uh a hoih zaw sang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei ding uh hi.

Mangmuhna 15:1

Tua nung ciangin a lian mahmah nalamdang khat vantungah ka mu hi. Gimna nam sagih a nei vantungmi sagihte ahi uh hi. Tua gimnate in a nunung bel gimna ahi uh hi. Bang hang hiam na cih uh leh, Pasian’ hehna tua gimna tawh a kicing hi.

Mangmuhna 11:18

Mipawl khempeuh a heh uh a, na hehna ahi zongin, a si mite thukhen nading hun ahi zongin, na sila kamsangte-a kipan misiangthote leh, na min a kihta milian leh mineu lungdamna na piak nading hun ahi zongin, leitung a siasak mite a siatsak nading ahi zongin a tung zo hi,” ci-in a gen uh hi.

Mangmuhna 1:1

A sawt loin a piang ding nate ama silate tungah lah dingin Pasian in a piaksa Zeisu Khazih’ mangmuhna lai ahi hi. Tua Topa in ama vantungmi khat sawl a, ama silapa Johan kiangah hilh hi.

Daniel 8:23

Tua kumpi gamte a bei ding a nunung zaw hun a nai ciangin, gilo lua mahmah ding uh ahih manin daan a kipia ding hi. Tua ciangin ama thu bek thu a sa, mawhna pawlpawl tawh kidim, hehmel a pua kumpi khat a hong om ding hi.

Luka 21:23

Tua lai takin naupai numeite leh naungeek nei numeite in gimna a thuak ding uh hi. Bang hang hiam na cih uh leh, hih gamah gimna tung ding a, hih pawlte tungah hehna a tung ding hi.

Late 102:13

Nangmah tho-in Zion khua na hehpih ding hi; amah na angvan hun ding hi ta hi; a kiciangtansa hun hong tung khin hi.

Daniel 12:4

Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.