Daniel 8:17 - Tedim Bible

¹⁷ Gabriel hong pai-in ka kiangah hong ding a, lau lua mahmah ka hih manin lei tungah ka puk hi. Amah in, “Leitungmi aw, a khiatna thei in. Mangmuhna pen hun beina ding lahna ahi hi,” ci-in ka kiangah a hong gen hi.

Tedim Bible Revision 2017

¹⁷ Gabriel hong pai-in ka kiangah hong dinga, lau lua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.

Daniel 8:17 Referans Kwoze

Daniel 8:19

Amah in, “Pasian’ hehna hanga a kisehsa hun a, thupiang dingte ka hong lak ding hi. Mangmuhna in hun bei nading lahna ahi hi.

Daniel 12:4

Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Habakkuk 2:3

Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Daniel 12:13

Nang, Daniel na hih leh a tawp dong muanhuai takin om in. Tua ciangin na si ding a, ahih hangin hun a bei ciangin thaman sang dingin na thokik ding hi,” hong ci hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.

Mangmuhna 22:8

Tua nate a za, a mu mi in keimah Johan ka hi hi. Ka zak ka muh lai takin a hong lak vantungmi bia dingin a khe kiangah ka boksuk leh,

Ezekiel 1:28

Tua a taang khuavak in meii lakah sakhituihup kai-in a neih mel nam tuamtuam khempeuh nei kim hi. Topa’ vangliatna lim pen tu-a ka gen bang ahi hi; Hih bang ka muh ciangin lei lakah ka bok suk a, tua ciangin awging khat ka za hi.

Mattiu 17:8

amaute a khuadak uh leh, Zeisu longal kuamah dang a mu kei uh hi.

Daniel 10:16

Tua ciangin pasal mel tawh a kibang mi khat thakhatin ka mai-ah hong suak-a ka muk a hong lawn’sak hi. Tua ciangin kamka-in thugen dingin ka kisa hi. Ka mai-a dingpa kiangah, “Topa aw, ka mangmuhna in ka tha hong zawsak lua ahih manin ka ci liin a pha thei kei hi.

Daniel 10:11

Amah in, “Daniel hong kizahtak mahmah pa aw, Ding in la, kong thu gente limtakin ciamteh in. Na kiangah thu gen dingin kei hong kisawl zo hi,” a hong ci hi. Amah in hi thu teng a hong gen khit ciangin liing kankan kawmin ka ding hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

Daniel 9:23

Pasian tunga thuum dinga na kisak lai takin Amah in a hong za zo hi. Pasian in nang hong it ahih manin, tua thu gen dingin ka hong pai zo hi. Tu in, tua mangmuhna thu ka hong hilh tel lai takin, ciamteh in.

Daniel 8:15

Keimah Daniel in mangmuhna a khiatna thei nuamin ka hanciam hi. Thakhat thu-in mihing meel tawh a kibang khat ka mai-ah a hong ding hi.

Daniel 2:46

Tua ciangin Nebukhadnezzar kumpipa in Daniel’ mai lei lakah kun sukin, Daniel tungah sagawh biakna leh namtui biakna piakna bawl dingin thu a pia hi.

Ezekiel 6:2

“Ezekiel aw, Israel mualsang dawnte en in la, amaute tungah kong thupiak gen in.

Piancilna 17:3

Tua ciangin Abram mai kun suk hi; Pasian in ama' kiangah,

Ezekiel 44:4

Tua ciangin a mipa in leilu lam kongpi tawnin biakinn mai-ah hong paipih a, ka khuadak leh, Topa’ biakinn sung khempeuh, ama minthan’na tawh na kidim hi. Kei zong leilak kiden’na-in ka boksuk hi.

Daniel 7:16

Ka pam-a ding mite khat kiangah pai-in hihte khempeuh a khiatna hong hilh in ci-in ka dong hi. Tua ciangin amah in a khiatna a hong hilh hi.

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Ezekiel 2:1

Tua awging in, “Mihing ahi Ezekiel aw, ding to in. Nang tungah thu kong gen nuam hi,” hong ci hi.

Daniel 11:27

Tua kumpi tegel in sabuai khat tungah tu in, an a ne khawm ding uh hi. Ahih hangin a ngaihsutna uh a hoih zaw sang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei ding uh hi.