Daniel 8:13 - Tedim Bible

¹³ Vantungmi khat in a dang vantung mi khat kiangah thu a dot ka za a, “Hih mangmuhna a tangtun’ nading bang tan vei sawt ding a, a muhdah huai mawhna in nisim biakna piakna bang tan vei khak ding hiam? Vantung galkapte leh biakinnpi bang tan vei kituancil ding ahi hiam?” a ci hi.

Tedim Bible Revision 2017

¹³ Vantungmi khat in a dang vantungmi khat kiangah thu a dot ka za a, “Hih maangmuhna bang tanvei sawt dinga, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Daniel 8:13 Referans Kwoze

Mangmuhna 11:2

Biakinnpi pua lamah a om gawl sung teh kei in, siit in. Bang hang hiam na cih leh, tua gawl sung mun Gentailte ading a kipia zo hi. Amaute in Khuapi Siangtho zong kha sawmli leh kha nih tawntung a sik gawp ding uh hi.

Mangmuhna 6:10

Amaute in zong, “A siangtho, a dik Vanglianpen Topa aw, leitungah a om mite, kote’ sihna sisan hangin thu khenin daantat loin bang tan vei sawtpi na om ding hiam?” ci-in nakpi a kiko uh hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

Daniel 11:31

A galkapte pawl khat in biakinnpi leh biakinnpi huang a niinsak ding uh hi. Amaute in nisim biak piaknate khawlsak ding uh a, Lipkhaphuai na a suang ding uh hi.

Daniel 4:13

Ka mangmuhna ngaihsuna ka om lai takin ka khuadak leh, a vil tawntung vantungmi khat vantung pan a hong tuaksuk ka mu hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Luka 21:20

“Jerusalem khuapi galkapte in a uumcip na muh uh ciangin, tua khua siat nading a nai cih na thei ta un.

Marka 13:14

“A kisia thei kihhuaina in a kilawm lo munah ding-in a om na muh uh ciangin, (Lai Siangtho a sim theite in thei ta hen) Judah gamah a omte in mual tungah tai ta uh hen.

Mattiu 24:15

“Tua ahih ciangin kamsangpa Daniel a hilh ngei bangin, a kisia thei kihhuaina in a siangtho munah ding-a a om note in na muh uh ciangin, (Lai Siangtho a sim theite in thei ta hen.)

Isaiah 63:18

Nangma misiangthote in na biakinn tawl khat sung bek nei uh hi; ko hong langpangte in tua pen tuancil gawp khin hi.

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Late 79:5

Topa aw, bang tanvei hi ding hiam? Heh paisuak ding na hi hiam? Nangma hazat hehna, mei bangin kuang paisuak ding ahi hiam?

Juda 1:14

Adam pan akipan khang sagihna mi Enok in kamsangpa thu a gen-inah, “Topa in mi khempeuh thukhenin,

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Zekhariah 14:5

Hinnom kuam sung kivukcip ding a, Judah kumpi Uzziah’ hun lai-a zin lin-a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Zekhariah 1:19

Bang a cih nopna ahi hiam, ci-in vantungmi kiangah ka dong hi. Amah in hong dawng a, “Judah mite, Israel mite, leh Jerusalem mite a theihthang gawp leitung vangliatnate saki a cih nopna hi,” hong ci hi.

Daniel 12:11

Amaute in nisim biak piakna a khawlsak leh a Lipkhaphuai na a hong pian’ ciang ni tulkhat leh zanih leh sawmkua a sawt ding hi.

Daniel 7:23

Hih hilhtelna kei a hong kipia hi: “Sapi lina in leitung-a hong om ding kumpi gam lina ding hi a, kumpigam dangte tawh a kilamdang mahmah ding hi. Amah in leitung buppi valhtum ding a, tuancil gawpin a sukham ding hi.

Daniel 7:16

Ka pam-a ding mite khat kiangah pai-in hihte khempeuh a khiatna hong hilh in ci-in ka dong hi. Tua ciangin amah in a khiatna a hong hilh hi.

Daniel 4:23

Kumpipa in na et lai takin, vantungmi khat vantung panin hong paisuk a, ‘Singkung phuk in la susia in, ahih hangin lei sungah a bul leh a zungte nusia in. A bulah sik leh sumngo kual vial in la, gamlak lopate tawh nusia khawm in. A tungah daitui kia hen la, kumsagih sung ganhingte tawh omkhawm ta hen,’ a ci hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Late 74:9

Kote in ka mailam thu ding uh ka thei kei uh hi; kamsang khat zong om nawn lo a, bang tanvei hi ding ci-a a thei kuamah ka om kei uh hi.

Thukhente 13:18

Topa vantungmi in ama kiangah, “Hih in a lamdang hi, ci-in thei napi-in bang hangin ka min hong dong na hi hiam?” a ci hi.

Thu-hilhkikna 33:2

Amah in, “Sinai panin Topa hong pai a, Seir panin eite ading hong suakkhia hi; Paran Mual panin hong taangkhia a, a taklam khutah meikuang tawi-in, misiangtho tul sawmte kiang panin hong pai hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Luka 10:22

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa mahmah leh Tapa in a theihsak nopte longal kuamah in Pa a thei kei hi.” a ci hi.

Late 74:10

Pasian aw, galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Isaiah 28:18

Tua ciangin sihna tawh na thuciamna uh kiphiat ding a, Leinuai tawh na thukimna uh kip lo ding hi; a tuumcip ding tuiciin in hong nawk ciangin note hong sugawp ding hi.

Jeremiah 12:10

Tuucing dang tampi in ka lenggah lo hong suksiat sak uh a, kei aa teng hong tuatcilsak uh hi. A hoih mahmah ka lenggah lo pawn lak, gamlak suaksak uh hi.

Daniel 12:8

A thugen ka za a, ahih hangin tel takin ka thei kei hi. Tua ahih ciangin, “Topa aw, bang ci bangin beina a hong piang ding hiam?” ci-in ka dong hi.

Daniel 4:10

Ka ihmut lai takin mangmuhna khat ka nei a, leitung laizangah a po singkung sang mahmah khat ka mu hi.