Daniel 8:10 - Tedim Bible

¹⁰ Amah in vantung galkapte nangawn dong a ban dingin a thahatna hong khangto a, aksi pawl khatte leitungah lawnkhia-in a tuancil gawp hi.

Tedim Bible Revision 2017

¹⁰ Vantung galkapte nangawn a do zo zah dong dingin a thahatna hong khangto a, aksi pawl khatte leitungah lawn khia-in, a tuancil gawp hi.

Daniel 8:10 Referans Kwoze

Mangmuhna 12:4

Tua gul in a mei tawh vantung aksi sehthum suah sehkhat kaikhia a, leitungah a khiat khit ciangin tasuak dinga kisa numei mai-ah ding-in ta a suah ciangin ne dingin a om hi.

Isaiah 14:13

Nang in na lungsim sungah, ‘Van tungah ka kahto ding hi; a sangna mun, Pasian’ aksite’ tung pekah ka kumpi tokhom ka koih ding a, leilu lam pek a, kikhopna mual tungah a sang pen mual siangtho tungah ka tu ding hi;

Daniel 8:7

Heh lua mahmah ahih manin tua tuutal tuangawp a, a ki tegel a suktan sak hi. Tuutal in a nan’ zawh na’ng thahatna nei lo ahih manin lei kiden’na a, a huh zo ding kuamah a om kei hi.

Daniel 7:7

Ka et lai leh sapi lina ka mu hi. Tua sapi kihtak huai mahmah a, lipkhap huai-in a thupi mahmah hi. Amah in a gol mahmah sik-ha a nei hi. Amah in nene in a nek val teng a khe tawh a tuancil gawp hi. Amah in sapi dangte tawh kibang loin ki sawm a nei hi.

Daniel 11:28

Tua ciangin Siria kumpipa in a galvan lak teng tawh a gamah ciahkik ding a, a siangtho thuciamna langpan ding a lungngai ding hi. A ut bang peuhin gamta ding a, tua ciangin a gam lamah a ciahkik ding hi.

Daniel 11:30

Nitumna tuipi gei a, gamte in teembaw tawh hong pai-in amah do ding uh ahih manin a lau ding hi. Tua ciangin amah kileh kik ding a, a thangpaihna tawh Pasian’ mite biakna suksiat ding a hanciam ding hi. Amah in tua biakna a nusia mite’ zol simna a mang ding hi.

Jeremiah 48:26

“Moab, zukham sak un, bang hang hiam cih leh amah in Topa langpanin kiliansak hi. Tua ahih manin amah in ama’ luak lakah a bual ding a, mi khempeuh in awi-in a nuihsan ding uh hi.