Daniel 7:5 - Tedim Bible

⁵ Tua ciangin a nihna sapi vompi tawh a kibang khat ka mu hi. A nunglam khe tawh ding-in a kam sung a ha kikalah nakguh thum pet a, “Tho in la, sa tampi ne in,” cihna aw khat a hong ging hi.

Tedim Bible Revision 2017

⁵ Tua ciangin a nihna sapi vompi tawh a kibang khat ka mu hi. A nung lam khe tawh dingin a ha tawh nakguh thum pet a, “Na duh zahzah sa tampi ne in,” cihna aw khat a hong ging hi.

Daniel 7:5 Referans Kwoze

Daniel 2:39

Nang khit ciangin nang sanga neuzaw kumpi gam adang khat hong piang ding a, tua khit ciangin sumngo ahi kumpigam thumna in leitung khempeuh a uk ding hi.

Hosea 13:8

A no a kilaksak vompi bangin note hong sugawpin kong balgawp ding hi. Humpinelkai bangin hong phual nek pahin, gamsate bangin kong balthang gawp ding hi.

Daniel 11:2

“Tu-a na tunga kong gen ding thu in thuman ahi hi. Kumpi thum in Persia gam uk lai ding a, tua banah a lina a hong khang ding hi. Tua pa in a dang teng sangin a hau zaw ding hi. Amah in a hauhpen pen laitak leh a thahat pen lai takin Grik kumpi a to ding hi.

Daniel 5:28

PARSIN: na gam kikhen kham a, Media leh Persiate a kipia zo hi,” ci-in a dawng kik hi.

Isaiah 56:9

Lo sunga om ganhing khempeuhte— gamlak-a om ganhing khempeuhte aw, a netum dingin hong pai un.

Paunak 17:12

Mihaite a hai gamtatna uh i tuah khak sangin, a no a kilaksak vompi hang khat tuak leeng hoihzaw lai hi.

2 KUMPI NIHNATE 2:24

Tua ciangin amah a kiimah kihei a, amah in amaute a muh ciangin Topa’ min tawh amah in amaute samsia hi. Tua ciangin gamlak panin vom a pi nih hong pai-in naupang sawmli-le-nih balgawp hi.

Mangmuhna 13:2

Ka muh sahang in kamkei tawh kibang hi. A khete vomkhe tawh kibang hi. A kam in humpinelkai’ kam tawh kibang hi. Gulpi in a vangliatna ahi zongin, a tokhom ahi zongin, a aana ahi zongin tua sahang a pia hi.

Daniel 7:4

Amasa pen humpinelkai tawh kibang a, ahi zongin muvanlai’ kha tawh a kibang kha a nei hi. Ka et lai takin a kha tegel a hong kibotkhia hi. Tua ganhing leitung panin kidom kaang to a, mihing bangin a khe nih in kiding sak a, mihing’ lungsim ama tungah a kipia hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzangah vasa-kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.