Daniel 7:28 - Tedim Bible

²⁸ Hih tangthu a beita hi. Hih thu ka ngaihsut ciangin kei, Daniel ka lau mahmah a, ka meel a daang gawp hi. Ahih hangin hih thu keima lungsim sung bekah ka koih hi.

Tedim Bible Revision 2017

²⁸ Hih tangthu a beina hi ta hi. Hih thu ka ngaihsut ciangin keimah Daniel ka lau mahmah a, ka mel a daang gawp hi. Ahih hangin hih thu keima lungsim sung bekah ka koih hi.

Daniel 7:28 Referans Kwoze

Luka 2:51

Amah in amaute tawh ciahsuk khawm a, Nazareth khua-ah tungin amaute thu mangin a om hi. A nu in hih thu khempeuh a lungsim sungah a ciamteh hi.

Luka 2:19

Mari in ahih leh, tua thute khempeuh ciamteh a, a lungsim sungah a lungngai hi.

Daniel 10:8

Kei guak bek hong kinusia ahih manin tua a lamdang mangmuhna keimah guak bek mah in ka mu hi. Ka tha neih teng bei khin a, ka mel kikhel gawp ahih manin ka cimawh hi.

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Daniel 7:15

Ka mangmuhnate in hong linglawng sakin a hong patausak mahmah hi.

Daniel 4:19

Tua ciangin Belteshazzar zong a kici Daniel in a lungmang lua ahih manin tawmvei sung bangmah gen thei loin a om hi. Kumpipa in, “Belteshazzar aw, mang leh a khiatna huhau in na lung mangsak zenzen kei in,” a ci hi. Belteshazzar in, “Kumpipa aw, na mangmat leh a khiatna pen na galte tungah tungzaw hen.

Luka 9:44

Ahih hangin mi khempeuh in Zeisu hihna khempeuh lamdang a sak uh ciangin, a nungzuite kiangah Zeisu in, “Na lungsim uh ah hih thute tum ta hen. Mihing Tapa in mite khut tungah kiheek ding hi,” a ci hi.

Marka 9:15

Thakhatin mihonpite khempeuh in Zeisu a muh uh ciangin lamdang a sa uh a, a kiangah tai-in amah a hopih uh hi.

Daniel 12:13

Nang, Daniel na hih leh a tawp dong muanhuai takin om in. Tua ciangin na si ding a, ahih hangin hun a bei ciangin thaman sang dingin na thokik ding hi,” hong ci hi.

Daniel 12:9

Amah in, “Daniel aw, tu-in ciah in, bang hang hiam cih leh hih thute in beina hun a tun’ mateng selcip a, ciamteh ding ahi hi.

Daniel 11:27

Tua kumpi tegel in sabuai khat tungah tu in, an a ne khawm ding uh hi. Ahih hangin a ngaihsutna uh a hoih zaw sang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei ding uh hi.

Daniel 8:19

Amah in, “Pasian’ hehna hanga a kisehsa hun a, thupiang dingte ka hong lak ding hi. Mangmuhna in hun bei nading lahna ahi hi.

Daniel 8:17

Gabriel hong pai-in ka kiangah hong ding a, lau lua mahmah ka hih manin lei tungah ka puk hi. Amah in, “Leitungmi aw, a khiatna thei in. Mangmuhna pen hun beina ding lahna ahi hi,” ci-in ka kiangah a hong gen hi.

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Piancilna 37:10

Ahih hangin amah in a pa leh a sanggamte' kiangah a gen ciangin, a pa in amah tai-in, ama' kiangah, “Nangma' mat hih mang in bang ahi hiam? Kei leh na nu leh na sanggamte in nangma' mai lei lakah a kun dingin hong pai ding ka hi uh hiam?” ci hi.

Piancilna 37:11

A sanggamte in amah haza uh a, ahih hangin a pa in hi thugenna ciamteh hi.

Daniel 8:1

Belshazzar kumpi a suah zawh a kum thumna kumin keimah Daniel in a nih veina maang ka mu hi.

Daniel 10:16

Tua ciangin pasal mel tawh a kibang mi khat thakhatin ka mai-ah hong suak-a ka muk a hong lawn’sak hi. Tua ciangin kamka-in thugen dingin ka kisa hi. Ka mai-a dingpa kiangah, “Topa aw, ka mangmuhna in ka tha hong zawsak lua ahih manin ka ci liin a pha thei kei hi.

Daniel 4:16

Amah in mihing lungsim nei nawn loin, kumsagih sung ganhing lungsim a nei ding hi.