Daniel 7:27 - Tedim Bible

²⁷ Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Tedim Bible Revision 2017

²⁷ “Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Daniel 7:27 Referans Kwoze

Late 72:11

Kumpi khempeuh ama mai-ah boksuk uh hen la, minam khempeuh in ama na sem ta uh hen!

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Luka 1:33

amah in Jakob’ suante a tawntungin uk ding a, ama gam in a bei ngei kei ding hi,” a ci hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Daniel 7:18

Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Late 145:13

Na Kumpigam pen a tawntunga om kumpigam hi a, na ukna in khang tawntungin a kip hi. Topa pen ama thute khempeuh ah thutak a, a gamtatna khempeuhah hehpihna nei hi.

Late 86:9

Topa aw, na bawlsa minam khempeuh hong pai-in na mai-ah hong kun ding a, nangma min hong phat ding uh hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Daniel 7:22

Tua ciangin a nungta tawntung mipa hong pai a, Sang pen Pasian’ mite ading a hoih thukhenna a hong gen hi. Pasian mite in kumpi za a ngah nading uh hun a hong tung hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Isaiah 54:3

Bang hang hiam cih leh taklam leh veilamah nangmah kizeelin, na suan leh khakte in minamte luah ding uh a, a kinusia khuapite mi tawh dim sak ding uh hi.

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

Johan 12:34

Tua hi a, mihonpite in, “Khazih a om tawntung ding hi,’ ci-in Thukhamna sungah ka za zo uh hi. Tua bang ahih leh, ‘Mihing Tapa in kikhaina a thuak ding hi,’ bang hangin ci na hi hiam? Hih Mihing Tapa kua mi ahi hiam?” ci-in a dong uh hi.

Obadiah 1:21

Esau mual-a thukhen ding, a honkhia ding mite Zion mualah hong paito ding uh a, tua gam in Topa’ gam ahi ding hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.

1 KORIN MASA 15:24

Tua ciangin Khazih in ukna aana leh vangliatna apawl pawlte khempeuh siangsakin Pa Pasian tungah Gam a piak khit ciangin leitung a bei ding hi.

Mangmuhna 11:1

Tua nung ciangin ciangkhut tawh kibang pumpeeng khat kei hong piak khit ciangin, “Tho in la, Pasian’ biakinnpi ahi zongin, biakna tau ahi zongin, biakinnpi sungah a bia mite ahi zongin teh in.

Isaiah 14:2

Minamte in amaute la-in amau omna munah paipih ding uh hi. Israel mite in minamte nei ding uh a, Topa’ gam sungah amaute pen sila numei sila pasal dingin nei ding uh hi; amaute a man ngei mite pen tu-in amaute in leh mat ding a, amaute a nengniam ngei mite tungah tu-in ukna nei ding uh hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.