Daniel 7:25 - Tedim Bible

²⁵ Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Tedim Bible Revision 2017

²⁵ “Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Daniel 7:25 Referans Kwoze

Mangmuhna 12:14

Hun khat, hun nih leh hun lang sung teng amah vak nadingin ama omna gamlakah, tua gulpi kiang pan a suakta dingin leengin a tai theih nading muvanlai gol kha lang nih tua numei a kipia hi.

2 THESALONIKA NIHNA 2:4

Tua mi in thu nial a, pasian a kici khempeuh ahi zongin, a kibia na khempeuh ahi zongin, tuate sangin ama pumpi pahtawi zaw-in, Pasian’ biakinnpi sungah tu-in, “Pasian ka hi hi,” ci-in a pumpi lakin a om ding hi.

Daniel 12:7

Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Mangmuhna 12:6

Tua numei in zong ni tul leh zanih sawmguk sung teng, vakin a kikhoi nadingin Pasian in a bawl kholhna gam lakah a tai hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Mangmuhna 18:24

Kamsangte leh misiangthote’ sisan leh leitungah thahna a thuak mi khempeuh’ sisan tua khua-ah kimu zo hi,” a ci hi.

Daniel 7:20

Tua ciangin a lutanga ki sawm leh, a nung ciangin ki khat hong po-a, ki thum a kitanna thu ka thei nuam hi. Amah in mittang leh kiphatsakna kam sia pau na’ng kam a nei hi. A dangte sangin nakpi takin a kihtak huaizaw hi.

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Daniel 7:8

Tua kite ka et lai takin a dang kineu khat hong po a, a omsa ki thumte a bot khia hi. Tua ki tungah mihing’ mittang tawh a kibang mittang leh kam om a, kiphatsakna kam tampi a pau hi.

Mangmuhna 17:6

Tua numei in zong misiangthote’ sisan ahi zongin, Zeisu’ teci pangte’ sisan ahi zongin dawnin kham a, om ka mu hi. Kei in ka et ciangin lamdang ka sa mahmah hi.

Mangmuhna 14:12

Hih na-ah Pasian’ thukhamte leh Zeisu upna a zui misiangthote thuakna a om hi.

Daniel 11:28

Tua ciangin Siria kumpipa in a galvan lak teng tawh a gamah ciahkik ding a, a siangtho thuciamna langpan ding a lungngai ding hi. A ut bang peuhin gamta ding a, tua ciangin a gam lamah a ciahkik ding hi.

Mangmuhna 16:6

Bang hang hiam na cih leh, amaute in misiangthote’ sisan leh kamsangte’ sisan a bua uh a, amaute sisan na dawnsak zo hi. Amaute zong a dawn dingun kilawm hi,” a cihna ka za hi.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Daniel 4:32

Mite sung pan hong kihawlkhia ding a, gamsate tawh na teeng khawm ding hi. Bawngtal bangin kumsagih sung lopa na ne ding hi. Tua ciangin Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi,” a ci hi.

2 THESALONIKA NIHNA 2:3

Kuamah in note bangmah hangin hong kheem kei hen. Bang hang hiam na cih uh leh, tua Ni hong tun’ ma-in langpan’na lian a piang masa ding a, kisiatna’ ta ahi Gilo Mi in hong piang ding hi.

2 THESALONIKA NIHNA 2:8

Tua ciangin a kiseel Gilo Mi a kilang ding hi. Tua mi Topa Zeisu in ama kam sung pan a pusuak hu tawh siasakin, ama hong kilatna’ vangliatna tawh a mangthang ding hi.

Daniel 3:26

Tua ahih ciangin Nebukhadnezzar mei phualpi kong gei-ah paito a, “Shadrak! Meshak! Abednego! Sangpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Daniel 4:2

Sangpen Pasian in kei tunga lim leh nalamdang a hong lahna thute ka hong gen nuam hi.

Daniel 4:17

Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.

Daniel 7:18

Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Daniel 8:14

Amah in, “Zingsang leh nitak biakna piakna tulnih leh zathum vei a cin’ khit ciangin biakinnpi kipuahkik ding hi,” ci-in a dawng hi.

Hosea 7:16

Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Daniel 8:9

Tua ki lite lak pan khat tungah kineu dang khat hong kipan a, a vangliatna khang lam, ni suahna lam leh, Thuciamna Gam lamah a vangliatna a khang hi.

Daniel 8:11

Amah in vantung galkap kumpipa nangawn do-in ama tunga kipia nisim biakna piaknate nangawn khawlsakin, biakinnpi biaknate a beisak hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.