Daniel 7:24 - Tedim Bible

²⁴ Ki sawmte in tua kumpigam sung pana hong piang ding kumpi sawmte ahi uh hi. Tua ciangin kumpi dang khat hong piang leuleu ding a, amah in a om sate tawh kilamdang mahmahin kumpi thum a nuaisiah ding hi.

Tedim Bible Revision 2017

²⁴ “Ki sawmte pen tua kumpi gam sung panin a hong piang ding kumpi sawmte ahi uh hi. Tua ciangin kumpi dang khat hong piang leuleu dinga, amah in a om sate tawh a kilamdang mahmah in kumpi thum a nuaisiah ding hi.

Daniel 7:24 Referans Kwoze

Daniel 7:20

Tua ciangin a lutanga ki sawm leh, a nung ciangin ki khat hong po-a, ki thum a kitanna thu ka thei nuam hi. Amah in mittang leh kiphatsakna kam sia pau na’ng kam a nei hi. A dangte sangin nakpi takin a kihtak huaizaw hi.

Mangmuhna 13:1

Gulpi in tuipi gei sehnel tungah ding-in a om hi. Tua laitakin ki sawm, lutang sagih, ki tungah lukhu sawm, lutangte zong kosiatna pawl a min nei sahang khat in tuipi sung pan hong kahto ka mu hi.

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Mangmuhna 17:3

Tua lai takin amah in Kha Siangtho tawh keimah gam lakah hong paipih a, Pasian tungah paukhialhna min a dim, lutang sagih leh ki sawm a nei, sahang san tungah tu-a a om numei khat ka mu hi.

Mangmuhna 12:3

Tua tham loin, adang nalamdang khat vantungah kilang hi; gulpi san a lian mahmah khat hi a, lutang sagih leh kisawm a nei hi. A lute tungah kumpilukhu sagih a nei hi.

Daniel 7:23

Hih hilhtelna kei a hong kipia hi: “Sapi lina in leitung-a hong om ding kumpi gam lina ding hi a, kumpigam dangte tawh a kilamdang mahmah ding hi. Amah in leitung buppi valhtum ding a, tuancil gawpin a sukham ding hi.

Daniel 2:41

A khepek leh a khemete khen khat sik leh khen khat tungman kigawm ahi na mu hi. Tua in kumpigam kikhenthang ding hi cihna ahi hi. Tungman leh sik kigawm ahih mah bangin sik bangin a hoih khop khat khauhna ciang a nei ding hi.