Daniel 7:23 - Tedim Bible

²³ Hih hilhtelna kei a hong kipia hi: “Sapi lina in leitung-a hong om ding kumpi gam lina ding hi a, kumpigam dangte tawh a kilamdang mahmah ding hi. Amah in leitung buppi valhtum ding a, tuancil gawpin a sukham ding hi.

Tedim Bible Revision 2017

²³ Hih bangin hilh telna kei a hong kipia hi: “Sapi lina pen leitung a hong om ding kumpi gam lina ding hi a, kumpi gamdangte tawh kilamdang mahmah ding hi. Amah in leitung buppi valh tum dinga, tuancil gawpin a sukham ding hi.

Daniel 7:23 Referans Kwoze

Daniel 2:40

Tua khit ciangin kumpi gam lina hong piang ding a, sik bangin a khauh ding hi. Sik in na khempeuh sat nen a, a gawivui bangin, amasa kumpi gam teng khempeuh a sukham ding hi.

Daniel 7:7

Ka et lai leh sapi lina ka mu hi. Tua sapi kihtak huai mahmah a, lipkhap huai-in a thupi mahmah hi. Amah in a gol mahmah sik-ha a nei hi. Amah in nene in a nek val teng a khe tawh a tuancil gawp hi. Amah in sapi dangte tawh kibang loin ki sawm a nei hi.

Luka 2:1

Tua lai takin leitung mi khempeuh a kisim nadingin, Kaisar kumpipa Augustas in thu a pia hi.

Daniel 7:22

Tua ciangin a nungta tawntung mipa hong pai a, Sang pen Pasian’ mite ading a hoih thukhenna a hong gen hi. Pasian mite in kumpi za a ngah nading uh hun a hong tung hi.

Daniel 7:24

Ki sawmte in tua kumpigam sung pana hong piang ding kumpi sawmte ahi uh hi. Tua ciangin kumpi dang khat hong piang leuleu ding a, amah in a om sate tawh kilamdang mahmahin kumpi thum a nuaisiah ding hi.