Daniel 7:21 - Tedim Bible

²¹ Ka et lai takin, tua ki in Pasian’ mite gal-in do a, amaute a zo gawp hi.

Tedim Bible Revision 2017

²¹ Ka et laitakin, tua ki in Pasianʼ mite galin do a, amaute a zo gawp hi.

Daniel 7:21 Referans Kwoze

Daniel 12:7

Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Daniel 8:24

Amah thahat mahmah ding a, ahih hangin ama thahatna ahi kei ding hi. Amah in a dipkuat huai siatna piangsak ding a, a hihna khempeuh ah a thahat mahmah ding hi. Amah in mi thahatte leh Pasian mite a susia ding hi.

Mangmuhna 17:6

Tua numei in zong misiangthote’ sisan ahi zongin, Zeisu’ teci pangte’ sisan ahi zongin dawnin kham a, om ka mu hi. Kei in ka et ciangin lamdang ka sa mahmah hi.

Mangmuhna 19:19

Tua lai takin sahang-a kipan leitung kumpite leh amau galkapte in sakol tungah tuang mi akipan, galkapte tawh kigaldo dingun a kikhawm uh ka muh khit ciangin,

Daniel 8:12

Nisim biakna piaknate-ah mawhna dim a, biakna maan lei lakah a kipaikhia hi. Ahihna peuhpeuhah tua ki a thahat mahmah hi.

Daniel 11:31

A galkapte pawl khat in biakinnpi leh biakinnpi huang a niinsak ding uh hi. Amaute in nisim biak piaknate khawlsak ding uh a, Lipkhaphuai na a suang ding uh hi.

Daniel 7:20

Tua ciangin a lutanga ki sawm leh, a nung ciangin ki khat hong po-a, ki thum a kitanna thu ka thei nuam hi. Amah in mittang leh kiphatsakna kam sia pau na’ng kam a nei hi. A dangte sangin nakpi takin a kihtak huaizaw hi.

Daniel 8:9

Tua ki lite lak pan khat tungah kineu dang khat hong kipan a, a vangliatna khang lam, ni suahna lam leh, Thuciamna Gam lamah a vangliatna a khang hi.